నీతోనే నేనూ!
close
Published : 29/04/2021 00:24 IST

నీతోనే నేనూ!

పుట్టినరోజులు, పెళ్లిరోజులు, పండగలు... ఇలాంటి ప్రత్యేకమైన సందర్భాల్లో జీవిత భాగస్వామికి ఎలాంటి బహుమతులిచ్చి సర్‌ప్రైజ్‌ చేయాలా అని ఆలోచిస్తున్నారా... అయితే ఈసారి కొత్తగా ఇలా ప్రయత్నించండి.
విలువైన కానుక... చాలామంది భాగస్వామి పుట్టినరోజు, పండగలకు ఖరీదైన కానుకలు ఇస్తుంటారు. ఇవి వారికి సంతోషాన్ని ఇవ్వొచ్చు. అయితే అంతకంటే మీ సాన్నిహిత్యమే వారికి మరింత ఆనందాన్ని ఇస్తుందనే విషయాన్ని మరిచిపోవద్దు. ఈ ప్రత్యేక రోజుల్లో మరింత సమయాన్ని వారితో గడపడానికి ప్రణాళిక వేసుకోండి.
మౌనమే మీ భాషగా.... ఎప్పుడూ గలగలా పారే సెలయేరులా కాకుండా ఆ రోజుల్లో కాసేపు మౌన ముద్రను దాల్చండి. భాగస్వామి చెప్పేది ఆసక్తిగా వినండి. ఉత్తమ శ్రోతగా మారండి.
తీపి జ్ఞాపకాలు గుర్తుకు తెచ్చుకోండి... సంతోషాలు, సంబరాలను ఒడిసిపట్టి మనల్ని కట్టిపడేసేవే ఫొటోలు, వీడియోలు. ఇలా మీ పెళ్లి, ఫంక్షన్‌ ఫొటోలను  తీసి ఆ తీపి జ్ఞాపకాలను మరోసారి గుర్తుతెచ్చుకుని ఆనంద లోకాల్లో విహరించండి.
పనిచేయండి... చదవడానికి ఏదోలా ఉన్నా ఇద్దరూ కలిసి పనిచేస్తే మీ మధ్య అనుబంధం మరింత పెరుగుతుంది. కలిసి వంట చేయడం, ఇల్లు సర్దడం, మొక్కలు నాటడం... వావ్‌ తలుచుకుంటేనే అదోరకమైన భావోద్వేగానికి గురవుతున్నారా... మరింకేం ప్రయత్నించండి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి