ఇమ్యూనిటీని పెంచే పోషకా(పా)లు
close
Updated : 29/04/2021 02:48 IST

ఇమ్యూనిటీని పెంచే పోషకా(పా)లు

కరోనా కేసులు రోజురోజుకీ పెరుగుతున్నాయి. మాస్కు ధరించడం, సామాజిక దూరం పాటించడం, తరచూ చేతులు కడుక్కోవడం ప్రస్తుతం మనం తప్పనిసరిగా చేయాల్సిన పనులు. వీటితోపాటు రోగనిరోధకతను పెంచుకోవాల్సిన అవసరమూ ఉంది. అందుకోసం ఆహారంలో కొన్ని మార్పులు చేసుకోవాలి. రోజూ పాలు తాగుతాం కదా... వీటిలో కొన్ని పదార్థాలను చేర్చుకోవడం ద్వారా ఇమ్యూనిటీని పెంపొందించుకోవచ్చు.

పసుపు పాలు... పసుపులో యాంటీవైరస్‌, యాంటీక్యాన్సర్‌, యాంటీబ్యాక్టీరియల్‌, యాంటీఇన్‌ఫ్లమేటరీ సమ్మేళనాలు మెండుగా ఉంటాయి. కాబట్టి రోజూ గోరువెచ్చని పాలలో చిటికెడు పసుపు వేసుకుని తాగండి. ఇలా క్రమం తప్పక చేస్తే రోగనిరోధకత పెరుగుతుంది.

ఎండు ఖర్జూరాలు (డేట్స్‌).. వీటిలో విటమిన్లు, పీచు, ఐరన్‌, క్యాల్షియంలతో పాటు యాంటీఆక్సిడెంట్లు మెండుగా ఉంటాయి. వీటిని పాలలో వేసి మరిగించి రోజూ రాత్రి పడుకోబోయే ముందు తీసుకుంటే పోషకాలన్నీ సొంతమవుతాయి. దీంతో నిరోధక శక్తి పెరుగుతుంది.

డ్రైఫ్రూట్స్‌... వీటిలో యాంటీఆక్సిడెంట్‌ గుణాలు పుష్కలంగా ఉంటాయి. ఇవి ఇమ్యూనిటీని పెంచడంలో ప్రధాన పాత్ర వహిస్తాయి. అలాగే కాలానుగుణంగా వచ్చే వ్యాధుల నుంచి రక్షిస్తాయి. వీటిని తినడం వల్ల మధుమేహం, రక్తపోటు నియంత్రణలో ఉంటుంది. అయితే వీటిని పొడి చేసుకుని గోరువెచ్చని పాలలో కలిపి తీసుకుంటే లభించే పోషకాలు రెట్టింపు అవుతాయి.

గింజలు.. పొద్దుతిరుగుడు, గుమ్మడి, చియా, అవిసె గింజలను చక్కగా పొడి చేసుకుని నిల్వ చేసుకోవాలి. ఈ పొడి వేడి పాలతో కలిపి తీసుకుంటే ఆరోగ్యం మీ వెంటే.

అల్లం పాలు.. దీంట్లో విటమిన్లు, ఐరన్‌, క్యాల్షియం ఉంటాయి. అంతేనా... యాంటీఆక్సిడెంట్స్‌, యాంటీవైరల్‌ సుగుణాలు అధికమే. కాబట్టి అల్లం రసాన్ని పాలలో వేసుకుని తాగితే రోగాలు దరికి రావు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి