పనిచేసే చోట.. ఇవి వద్దు!
close
Published : 03/05/2021 00:39 IST

పనిచేసే చోట.. ఇవి వద్దు!

పనిచేసే చోట కొన్ని పద్ధతులు, నియమాలూ ఉంటాయి. వాటిని ప్రతి ఉద్యోగి తప్పనిసరిగా పాటించాలి. అలాగే వృత్తిగత, వ్యక్తిగత జీవితాలను విడదీసుకోవాలి. అప్పుడే ఉద్యోగంలో ఉన్నతంగా ఎదగవచ్చు.

ఫోన్‌ మాట్లాడుతున్నారా...
వ్యక్తిగత ఫోన్‌కాల్‌ మాట్లాడేటప్పుడు పరిసరాలను దృష్టిలో పెట్టుకోవాలి. ఇంట్లోవాళ్లపై కోపంతో అరవడం లాంటివి ఆఫీసులో అస్సలు చేయొద్దు. మీ కాల్స్ వల్ల ఇతరులకు ఇబ్బంది కలిగించొద్దు. ఇక్కడ క్రమశిక్షణగా నడుచుకోవడం ఉద్యోగులుగా మన విధి.
ఆలస్యంగా వస్తున్నారా..
విధులకు ఆలస్యంగా హాజరయ్యే ఏ ఉద్యోగిపైనా యాజమాన్యానికి సదభిప్రాయం ఉండదు. ఇలా ఆలస్యంగా రావడం వల్ల మీ సహోద్యోగులు, అధికారి మిమ్మల్ని సమయపాలన తెలియని వ్యక్తిగా చిన్నచూపు చూసే ప్రమాదం ఉంది. కాబట్టి సమయానికి ఆఫీసుకు వెళ్లడం అలవాటు చేసుకోవాలి.
ఫిర్యాదుల పెట్టెలా మారొద్దు...
మీ సహోద్యోగులు, వాతావరణం, చేసే పని... ఇలా ఏ విషయంలో ఏదైనా ఇబ్బంది ఎదురైనప్పుడు దాని గురించి పై అధికారులకు తెలియజేయడం మంచిదే. అయితే ప్రతి చిన్న విషయానికి దాన్నో సమస్యలా మార్చి చీటికీమాటికీ అధికారులను ఇబ్బందికి గురిచేయొద్దు. మీరలా చేస్తే మిమ్మల్ని ‘కంప్లయింట్‌ బాక్స్‌’లా పరిగణిస్తారు.
సామాజిక మాధ్యమాల్లో... వృత్తిపరంగా కాకుండా వ్యక్తిగత కాల్స్, వాట్సాప్‌, ఫేస్‌బుక్‌ లాంటి సామాజిక మాధ్యమాలను చూడటం... లాంటివన్నీ కేవలం భోజనం, విరామం సమయంలో మాత్రమే చేయాలి. అదే పనిగా ఫోన్‌ మాట్లాడుతూ అమూల్యమైన కార్యాలయ కాలాన్ని వృథా చేయొద్దు. అలాగే మీ వ్యకిగత అవసరాల కోసం కంపెనీ కంప్యూటర్లను వాడొద్దు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి