ఓపికతో మార్చుకోండి...!
close
Published : 03/05/2021 00:46 IST

ఓపికతో మార్చుకోండి...!

పిల్లలు అల్లరిని నియంత్రించలేక కొట్టడం, తిట్టడం చేస్తుంటారు కొందరు తల్లిదండ్రులు. కరోనా కాలంలో... ఈ పరిస్థితి మరింత ఎక్కువైంది. అదే పనిగా దండిస్తే...అసలుకే మోసం వస్తుంది. అలాకాకుండా వారు మాట వినాలంటే పెద్దలుగా మీరు మరింత శ్రద్ధ చూపించాలి.

* ఎదిగే పిల్లలు అమ్మ ఒడిని దాటి బయటి పరిసరాల్ని అర్థం చేసుకునే సమయంలో ఇలాంటివి సహజమే. ప్రతి విషయం తెలుసుకోవాలనుకుంటారు. సరదా కోసం ప్రయత్నించి సమస్యలు తెస్తారు. తమకు నచ్చింది తెచ్చివ్వాలని పట్టుదలకు పోతుంటారు. ఇవన్నీ తల్లిదండ్రులకు కోపం తెప్పిస్తాయి. వారి అసంతృప్తిని అర్థం చేసుకోండి. కాస్త దగ్గరుండి...ఓపికగా వారి ఆలోచనల్ని తెలుసుకోండి. వారి మాట ఊ కొడుతూనే మీరు పట్టు తెచ్చుకోండి. అప్పుడే మాట వింటారు.
* చిన్నారులపై మీ అభిప్రాయాల్నీ, ఇష్టాయిష్టాల్నీ బలవంతంగా రుద్దొద్దు. స్వేచ్ఛగా తమ అభిప్రాయాల్ని చెప్పే అవకాశం కల్పించండి. అలానే చిన్నప్పటి నుంచీ మంచీ చెడుల్ని, కష్టసుఖాల్నీ అర్థం చేసుకునే అలవాటుని నేర్పండి. తమ పనులు తామే చేసుకునేలా చేయండి. క్రమంగా ఇవన్నీ తమ దినచర్యలో భాగం అనుకుంటారే తప్ప భారం అనుకోరు.  
* మనసులో ఉన్న బాధ, కోపాన్ని ఏదోరకంగా మాటల్లో చెప్పగలిగే పిల్లల్లో మొండితనం, కోపం తక్కువగా ఉంటాయంటున్నారు నిపుణులు. ఎప్పుడైనా పిల్లలు మొండికేస్తుంటే బలవంతంగా వారిని తమ దారిలోకి తెచ్చుకోవాలని చూడకండి. వారి సమస్యను అర్థం చేసుకోండి. మీ ఇంట్లో ఎవరైనా తనలానే ప్రవర్తించే వారుంటే ముందు వారిలో మార్పు రావాలి. ఆపై వారిని చూసి...పిల్లలు అనుసరిస్తారు. వారిలోనూ ఒత్తిడి ఉంటుందని గ్రహించండి. తగిన పోషకాహారం ఇవ్వడం, వ్యాయామం చేయించడం వంటివన్నీ చేస్తే సమస్య అదుపులోకి వస్తుంది. వీటితోపాటూ అమ్మగా మీరు లాలించడం మరిచిపోవద్దు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి