జంక్‌ ఫుడ్‌ ఇస్తున్నారా?
close
Published : 05/05/2021 00:35 IST

జంక్‌ ఫుడ్‌ ఇస్తున్నారా?

పిల్లలను సంతోషపెట్టాలనో, మారాం చేస్తున్నారనో జంక్‌ ఫుడ్‌కు ఓకే చెప్పేస్తుంటారు. ఇప్పుడు కరోనా వల్ల ఇంటికే పరిమితమైన వాళ్ల గోలని భరించలేక కొనడమో, వండి పెట్టడమో చేసేస్తున్నారు. ఇది అలవాటుగా మారితే ఎన్నో సమస్యలు ఎదురవుతాయని అధ్యయనాలు చెబుతున్నాయి.
వారంలో మూడు రోజులు, అంతకు మించి ఫాస్ట్‌ఫుడ్‌ను తీసుకుంటే ఆస్తమా, ఎగ్జీమా, రైనిటిస్‌ వంటి సమస్యలకు దారి తీస్తాయి. వీటిలో ఎక్కువ మోతాదులో ఉండే కెలొరీలు, కొవ్వు, చక్కెరలు, కార్బోహైడ్రేట్లు సాధారణ ఆహారంపై అనాసక్తిని కలిగిస్తాయి. మల బద్ధకమూ వస్తుంది.
* చిన్నప్పటి నుంచే అలవాటు పడితే తర్వాత ఆరోగ్యకరమైనవి తినడానికి ఇష్టపడరు. వీటిలో రుచి కోసం ఉపయోగించే ప్రత్యేక పదార్థాలు సాధారణంగా తినే వాటి కంటే చాలావరకూ భిన్నంగా ఉంటాయి. ఇవి రోజువారీ ఆహారంపై అయిష్టాన్ని ఏర్పరిచే ప్రమాదముంది.
* చదువుపైనా ప్రభావం పడుతుంది. వీటిలో ఉండే అత్యధిక మోతాదులో ఉండే చక్కెరలు మెదడుపై ప్రభావం చూపుతాయి. బ్లడ్‌షుగర్‌లో ఏర్పడే హెచ్చుతగ్గులు ఏకాగ్రతను దెబ్బతీయడం, బద్ధకం, మానసిక మార్పులకూ కారణమవుతాయి.
* పోషకాలు అందక ఒంట్లో తగినంత శక్తీ ఉండదు. కూల్‌డ్రింక్‌లు నిద్రలేమికీ దారితీస్తాయి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి