సూపర్‌ ఫుడ్స్‌ అంటే ఏమిటి?
close
Published : 09/05/2021 00:33 IST

సూపర్‌ ఫుడ్స్‌ అంటే ఏమిటి?

ఈ మధ్య సామాజిక మాధ్యమాల్లో సూపర్‌ ఫుడ్స్‌ గురించి ఎక్కువగా చూస్తున్నా. ఫుడ్‌ ప్యాకెట్స్‌ మీద కూడా రాసి ఉంటుంది. అసలు సూపర్‌ ఫుడ్స్‌ అంటే ఏమిటి? వాటిలో ఏ పోషకాలుంటాయి?

- రమ్య, విజయనగరం

సూపర్‌ ఫుడ్స్‌కు శాస్త్రీయంగా ప్రత్యేక నిర్వచనం అంటూ ఏమీలేదు. మన శరీరానికి కావాల్సిన పోషకాలను అధిక మొత్తంలో అందించే పదార్థాలను సూపర్‌ ఫుడ్స్‌ అంటారు. వివరంగా చెప్పాలంటే... ఒక ఆహార పదార్థంలో శరీరానికి కావాల్సిన ముఖ్యమైన పోషకాలు ఎక్కువగా ఉంటే ఆ పదార్థాన్ని సూపర్‌ ఫుడ్‌ అంటారు.  సామాజిక మాధ్యమాల్లో ఈ పదాన్ని ఎక్కువగా వాడుతున్నారు. నట్స్‌, అవిసె గింజలు, మునగాకు, బెర్రీస్‌, దానిమ్మ, నేరేడు, ఉసిరి, పసుపు, చిరుధాన్యాలు, వెల్లుల్లి, అవకాడో, క్వినోవా.... ఇవన్నీ సూపర్‌ఫుడ్సే. వీటిలో ఎక్కువ మొత్తంలో యాంటీ ఆక్సిడెంట్లు, పోషకాలు ఉంటాయి. ఇవి మన శరీరానికి కావాల్సిన శక్తిని, పోషణను ఇవ్వడంతోపాటు రోగనిరోధకత పెరగడానికి దోహదం చేస్తాయి.
అవకాడో, బెర్రీస్‌, క్వినోవా... లాంటివి దొరక్కపోతే ప్రత్యామ్నాయంగా మన దగ్గర బోలెడు పదార్థాలున్నాయి. బెర్రీస్‌ బదులుగా నేరేడు పండు, రేగుపండ్లను తీసుకుంటే బోలెడు పోషకాలొస్తాయి. క్వినోవా అందుబాటులో లేకపోతే చిరుధాన్యాలనే చక్కగా ఎంచుకోండి. వాల్‌నట్స్‌ కొనలేమనుకుంటే అవిసెగింజలు మనకు అందుబాటులోనే ఉంటాయి కదా. మన చుట్టూ బోలెడు సూపర్‌ ఫుడ్స్‌ అందుబాటులో ఉన్నాయి. వాటిని ఎంచుకుంటే సరి.
సూపర్‌ ఫుడ్స్‌ సహజంగా లభిస్తాయని మనందరికీ తెలుసు. వీటిని ఉపయోగించి కొన్ని రకాల ఆహార ఉత్పత్తులనూ తయారు చేస్తున్నారు. ఉదాహరణకు మునగాకు. కొంతమందికి దీన్ని తినడం ఇష్టం ఉండకపోవచ్చు. కానీ దీంట్లో పోషకాలు బోలెడు. కాబట్టి నేరుగా కాకుండా దాంతో తయారైన టీలు, బిస్కట్లు తీసుకోవచ్చు. చిరుధాన్యాలతో బిస్కట్లు, లడ్డూలు చేస్తున్నారు. అలాగే వీటిని బిస్కట్లు, పాస్తా, నూడుల్స్‌ లాంటి వాటిలో వేసి పోషకయుతంగా మారుస్తారు. కాకపోతే ఇలా ప్యాక్డ్‌ పదార్థాలు కొనుక్కునే ముందు వాటి ప్యాకెట్‌పై సూపర్‌ఫుడ్స్‌ ఎంత మొత్తంలో ఉన్నాయో పరిశీలించుకోవాలి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి