జుట్టు ఊడుతోందా..
close
Published : 10/05/2021 00:19 IST

జుట్టు ఊడుతోందా..

జుట్టు ఊడటానికి కారణాలెన్నో. మనం చేసే కొన్ని పొరపాట్ల వల్ల కూడా ఇలా జరగొచ్చు. అవేంటో తెలుసుకుందామా...

శుభ్రత లేకపోవడం...
వేసవిలో జుట్టుకి దుమ్ము, ధూళితోపాటు చెమటపట్టి జిడ్డుగా మారుతుంది. అందుకే ఈ కాలంలో రోజు విడిచి రోజు తలస్నానం చేయాలి. లేదంటే చుండ్రుతోపాటు వెంట్రుకలు రాలే సమస్యా మొదలవుతుంది.

నూనెలూ కారణమే...
కొబ్బరినూనె జుట్టుకు పోషణనిస్తుంది. అయితే దీన్ని కొందరు ఎక్కువ మొత్తంలో వాడుతుంటారు. నిజానికి మన చర్మం సహజంగానే నూనెలను ఉత్పత్తి చేస్తుంది. కాబట్టి కాస్తంత నూనెను మాడుకు, వెంట్రుకలకు పెట్టుకున్నా సరిపోతుంది. అంతేకాదు నూనె పట్టించిన గంటలోపు తలను షాంపూతో కడిగేయాలి.

రసాయనాలకు చెక్‌...
మార్కెట్లో కనిపించే షాంపూలన్నింటినీ వాడతాం. ఇది సరైన పద్ధతి కాదు. వీటిలోని రసాయనాలు జుట్టుకు హాని చేస్తాయి. కాబట్టి వీలైనంత వరకు సహజంగా, గాఢత తక్కువగా ఉండే షాంపూలు, కండిషనర్‌లను ఎంచుకోవడమే మేలు.

రంగు పడుద్ది...  
రంగు వేసుకునే ముందు ఓసారి నిపుణుల సలహా తీసుకోవాలి. అదేపనిగా జుట్టుకు రంగేసుకునే అలవాటునీ తగ్గించాలి. సహజ పద్ధతుల్లో హెన్నా లాంటి వాటిని ఉపయోగిస్తే మంచిది.

హెయిర్‌ డ్రయ్యర్‌...
దీన్ని తరచూ వినియోగిస్తే జుట్టు పాడై ఊడిపోవడం ఖాయం. జుట్టును సహజ పద్ధతుల్లోనే ఆరబెట్టుకోవడం ఉత్తమం.

ఆహారం, నిద్ర..
ఎక్కువగా కాఫీ, టీలు తీసుకోవద్దు. జుట్టు ఎదగాలంటే సమతుల ఆహారం తప్పనిసరి. రోజూ కనీసం ఏడెనిమిది గంటలు కంటినిండా నిద్రపోవాలి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి