ప్రసవం తర్వాత రంగు తగ్గా!
close
Updated : 10/05/2021 01:13 IST

ప్రసవం తర్వాత రంగు తగ్గా!

నా వయసు 30. ప్రసవం తర్వాత రంగు తగ్గా. మెడ దగ్గర నల్లగా ఉంది. బరువూ పెరిగా. నేను ముందులా అవ్వాలంటే ఏం చేయాలి?

- ఓ సోదరి

కడుపుతో ఉన్నప్పుడు వ్యాయామం చేయడం కుదరదు. చాలావరకూ ఎక్కువ మొత్తంలో ఆహారం తీసుకుంటుంటారు. సరైన పోషకాహారం తీసుకోకపోయినా, జంక్‌ ఫుడ్‌ తీసుకున్నా లావవుతారు. దాంతో చర్మం రాపిడికి గురై మెడ చుట్టూ నల్లగా మారుతుంది. బరువు తగ్గితే చర్మం పలుచబడి మళ్లీ మామూలు స్థితికి వస్తుంది. శరీరంలో మెలనోసైట్‌ పెరగడం, ఎండలో ఉండటం, ఒత్తిడి, నిద్ర సరిగా లేకపోవడం, సరైన చర్మ సంబంధ ఉత్పత్తులను వాడకపోవడం. రంగు తగ్గడానికి కారణమవుతాయి. చక్కెర, గ్లూటెన్‌, కెఫిన్‌, కొవ్వు ఎక్కువగా ఉండే పదార్థాలకు దూరంగా ఉండాలి. ఎక్కువ కారం ఉండేవీ, వేడిని పెంచి రంగు తగ్గేలా చేస్తాయి.
ఆహారపరంగా.. యాంటీఆక్సిడెంట్లు, విటమిన్లు, మినరల్స్‌ పుష్కలంగా ఉండే తాజాపండ్లు, కూరగాయలు ఎక్కువగా తీసుకోవాలి. గుమ్మడి, చియా గింజలు, బాదం, నట్స్‌, పెరుగు, గ్రీన్‌ టీ, ఒమేగా-6 ఫ్యాటీ యాసిడ్‌లుండే చేపలు కూడా చర్మానికి మంచివి. పాల పొడి, తేనె, నిమ్మ రసం పెద్ద చెంచా చొప్పున తీసుకుని, దానికి సగం చెంచా బాదం నూనెను కలిపి ముఖానికి రాసుకోవాలి. 15 నిమిషాలు తర్వాత కడిగేయాలి. అలాగే టొమాటో రసం, పెరుగు, ఓట్‌మీల్‌ పొడిని పెద్ద చెంచా చొప్పున తీసుకుని మొత్తాన్ని కలిపి పూతలా వేసుకోవాలి. 20 నిమిషాలాగి కడిగేయాలి. రోజుకు కనీసం 3 లీటర్ల నీళ్లు తాగాలి. ఎక్కువ నూనె ఉండే పదార్థాలు, జంక్‌ఫుడ్‌కు దూరంగా ఉండాలి. రోజూ గంట వ్యాయామమూ చేయాలి. వారానికి కనీసం రెండుసార్లు నిమ్మతో క్లెన్సింగ్‌ చేసుకోవాలి. వీటితోపాటు మాయిశ్చరైజర్‌, సన్‌స్క్రీన్‌ తప్పక రాయాలి. ఇలా చేస్తే నెమ్మదిగా మునుపటి రంగు వచ్చేస్తుంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి