అనుబంధం ఆనందంగా..!
close
Published : 12/05/2021 00:16 IST

అనుబంధం ఆనందంగా..!

ఆనందాల అనుబంధం ఆరోగ్యాన్ని అందిస్తుంది. ఒత్తిడి తగ్గిస్తుంది. అయితే ఏ బంధంలో అయినా... గుర్తుంచుకోవాల్సిన కొన్ని సూత్రాలున్నాయి...!

* బలవంతం వద్దు: మనకు నచ్చినట్లే ఉండాలని ఎవరినీ బలవంతం చేయకూడదు. ఎదుటివారి ఆలోచనల్ని, అభిప్రాయాల్ని గౌరవిస్తూనే... వారిని వారిలా అంగీకరించండి. అప్పుడే మీరంటే ఇష్టపడతారు. మీకోసం ప్రాణమిస్తారు.
* మాట్లాడుకోండి: మనసు విప్పి మాట్లాడితేనే... విషయం అర్థమవుతుంది. అలాకాకుండా మీకు మీరే ఊహించుకోవడం, ఎదుటివారు మిమ్మల్ని అర్థం చేసుకోవాలని కోరుకోవడం, అలా జరగనప్పుడు కుంగిపోవడం సరికాదు. ఇలాంటి పద్ధతి ఏ అనుబంధంలో అయినా ఇబ్బందుల్ని తెచ్చిపెడుతుంది.
* సమయం కేటాయించండి: ఎంత దూరంలో ఉన్నా... కొందరి మధ్య అనుబంధం అన్యోన్యంగా సాగుతుంది. కారణం ఒకరికోసం ఒకరు సమయాన్ని కేటాయించుకోవడమే. ఎదుటి వారు బాధల్ని, సంతోషాల్ని పంచుకోవడానికి కొద్ది సమయం అయినా ఇవ్వండి. అది వారికి మీపై నమ్మకాన్ని, ప్రేమను పెంచుతుంది.
* మార్పుని అంగీకరించండి: కాలం, అవసరాలను బట్టి వ్యక్తుల్లో మార్పు సహజం. దాన్ని గుర్తించండి. ఆరోగ్యకరమైన బంధం కొనసాగాలంటే... ఇద్దరూ అందు కోసం ప్రయత్నించాలి. సమస్యలు వచ్చినప్పుడు నిజాయతీగా మీ పొరబాటుని ఒప్పుకోవడానికి వెనుకాడవద్దు. ఆత్మాభిమానం దెబ్బతిన్నప్పుడు, హాని జరుగుతున్నప్పుడు కఠినమైన నిర్ణయాలు తీసుకోవడానికీ ఆలోచించనక్కర్లేదు. ఏదైనా పరిస్థితుల ఆధారంగా నిర్ణయం తీసుకోవాల్సి వచ్చినప్పుడు ధైర్యంగా ముందడుగు వేయాలి.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి