ఒక్కోసారి ఏడుపొస్తోంది!
close
Published : 12/05/2021 00:27 IST

ఒక్కోసారి ఏడుపొస్తోంది!

నా వయసు నలభై. ప్రముఖ సంస్థలో ఉన్నతోద్యోగం. ఆఫీసు, ఇల్లు.. రెండు చోట్లా పని ఎక్కువే ఉంటుంది. పని ఒత్తిడి భరించలేక ఇంట్లో అందరిమీదా అరుస్తున్నాను. ఒక్కోసారి ఏడుపు కూడా వస్తోంది. నిగ్రహం కోల్పోకుండా ఉండేదెలా?

- ఓ సోదరి, ముంబయి

నలభయ్యేళ్లు వచ్చేసరికి శారీరకంగా, మానసికంగా మార్పులొచ్చి ఓర్పు, సహనం తగ్గుతాయి. ప్రీమెనోపాజల్‌ దశలో హార్మోన్లలో వచ్చే మార్పులతో ఓపిక తగ్గి అసహనం కలుగుతుంది. కుటుంబ బాధ్యతలు, ఆర్థిక కారణాలు, పిల్లల ఆలోచనలు కూడా ఆందోళన కలిగిస్తాయి. ఉద్యోగ బాధ్యతలు పెరిగితే అవతలి వారిలో  అంచనాలు పెరిగి ఒత్తిడి కలుగుతుంది. అలాగే పనిలో పర్‌ఫెక్షన్‌ కోరుకునే వ్యక్తిత్వంతో ఒత్తిడికి గురవుతారు. బయట చూపలేని కోపాలు ఇంట్లో చూపిస్తారు. చేతకానితనంతో ఇలా చేస్తున్నాననే పశ్చాత్తాపంతో దుఃఖం కలుగుతుంది. దీన్ని అడ్జెస్ట్‌మెంట్‌ డిజార్డర్‌ అంటారు. సర్దుకోలేక పోవడంవల్ల ఇలా జరుగుతుంది. క్రమంగా మతిమరుపు, నీరసం, నిరాసక్తత కూడా వస్తాయి. కనుక మీరు కొంత విశ్రాంతి తీసుకుని.. ఇల్లా, ఆఫీసా, ఆరోగ్యమా ఏ విషయాలు ఎక్కువ ఒత్తిడి కలిగిస్తున్నాయన్నది గమనించాలి. ఇంట్లో పనులు కొన్ని పిల్లలకు, భర్తకు పంచినట్లయితే మీకు ఒత్తిడి తగ్గుతుంది. వాళ్లు కూడా మిమ్మల్ని అర్థం చేసుకోగలుగుతారు. అలాగే ఆఫీసులో కొన్ని పనులు సహోద్యోగులకు అప్పజెప్పడం లేదా పైవాళ్లతో మాట్లాడి బాధ్యతల్ని మార్చుకోవడమో చేయొచ్చు. సమస్య ఏంటనేది తెలుసుకుని, పరిష్కరించుకోవాలి. రెండోది నిరంతరం పనిచేస్తే అలసిపోతారు కనుక మీకంటూ కొంత సమయం కేటాయించుకుని ఒత్తిడి నుంచి బయటపడండి. అందుకోసం పుస్తకాలు చదవడం, సంగీతం వినడం, పాటలు పాడుకోవడం... ఇలా నచ్చినవి చేయాలి. రోజూ యోగా, మెడిటేషన్‌, వాకింగ్‌ లాంటివి ప్రయత్నించండి. పోషకాహారం తీసుకోవాలి. ఆత్మపరిశీలన చేసుకుని బాధపెడుతున్న వాటిని రిలాక్సేషన్‌ టెక్నిక్‌తో తగ్గించుకోవాలి. మీకు ఇష్టమైన వ్యక్తులతో వారానికి ఒక్క సారైనా కాసేపు మాట్లాడితే ఆందోళన తగ్గుతుంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి