ఏఐతో తక్షణ రక్షణ!
close
Published : 13/05/2021 00:22 IST

ఏఐతో తక్షణ రక్షణ!

మన ధ్యాసలో మనముంటాం. ఆలోచనల్లో మునిగిపోతాం. లేదంటే ఫోనులో బిజీగా ఉంటాం. కానీ కొన్ని కళ్లు మనల్నే పరిశీలిస్తున్నాయని, సమయం వచ్చినప్పుడు కాటేయడానికి సిద్ధంగా ఉన్నాయని గమనించుకోం. బస్టాండుల్లో... రైల్వేస్టేషన్లలో, ఇతర జనావాసాల్లో ఉన్నప్పుడు మన చుట్టూ ఏం జరుగుతుందో పరికించుకోవడం చాలా అవసరం. ఆ విషయంలో ఏమాత్రం నిర్లక్ష్యంగా ఉన్నా తగిన మూల్యం చెల్లించుకోవాల్సిందే. అయితే ఈ సమస్యకు యూపీ ప్రభుత్వం కృత్రిమమేధ సాయంతో చక్కని పరిష్కారాన్ని అందిస్తోంది. మహిళలు అధికంగా ఉండే ప్రాంతాల్లో కృత్రిమ మేధ]తో పనిచేసే సీసీ కెమెరాలని అమరుస్తోంది. ఈ కెమెరాలు అమ్మాయిలపై దాడిచేయడానికి లేదా, అపహరించడానికి ఎవరైనా ప్రయత్నిస్తున్నా... లేదా అమ్మాయిలు ఆందోళనలో, కంగారు, బాధలో ఉన్నా వారి ముఖకవళికల ఆధారంగా వారిని గుర్తించి ఆ సమాచారాన్ని పోలీసులకు చేరవేస్తాయి. ఆకతాయిల కారణంగా ఇబ్బంది పడుతున్న అమ్మాయిలకు.. ఫిర్యాదు చేయాల్సిన అవసరం లేకుండానే కంట్రోల్‌రూమ్‌ నుంచి తక్షణ సాయం అందుతుంది. ‘మిషన్‌ శక్తి’ కార్యక్రమంలో భాగంగా ఈ కార్యక్రమాన్ని పైలెట్‌ ప్రాజెక్టుగా ప్రారంభించిన ప్రభుత్వం లఖ్‌నవూలో ఇప్పటి వరకూ 200 ఏఐ కెమెరాలని ఏర్పాటు చేసింది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి