అరికాళ్ల మంటలకు చెక్‌ పెట్టేద్దాం
close
Updated : 13/05/2021 05:23 IST

అరికాళ్ల మంటలకు చెక్‌ పెట్టేద్దాం

చాలామంది అరికాళ్ల మంటలతో బాధపడుతుంటారు. మంట వల్ల రాత్రిళ్లు నిద్రపట్టక ఇబ్బంది పడుతుంటారు. అలాంటి వారికోసమే ఈ చిట్కాలు..  
ఎన్నో కారణాలతో అరికాళ్ల మంటలు వస్తాయి. తగ్గించుకోవాలంటే గోరు వెచ్చని నీటిలో అరికాళ్లను ముంచితే ఉపశమనం కలుగుతుంది. అలానే అందులో కాస్త ఉప్పు కలిపితే పాదాల నొప్పులు కూడా తగ్గుతాయి.
* అల్లం రసంలో కొబ్బరినూనె కలిపి ఆ మిశ్రమాన్ని పాదాలకు మర్ధనా చేయాలి. ఇలా క్రమం తప్పకుండా చేస్తే రక్త ప్రసరణ మెరుగై పాదాల మంట తగ్గుతుంది.
* వాకింగ్‌, జాగింగ్‌, రన్నింగ్‌ వంటి వ్యాయామాలను రెగ్యులర్‌గా చేయడం వల్ల అరికాళ్ల మంటలు తగ్గుముఖం పడతాయి.

*చేపలు, ఆకుకూరలు, పాల ఉత్పత్తులు, నట్స్‌, అవిసెగింజలు వంటివి ఆహారంలో భాగం చేసుకుంటే పాదాల మంటలు రాకుండా ఉంటాయి.

ఏసీతో జాగ్రత్త!

వేసవికాలం కదాని ఏసీలో గంటల తరబడి గడుపుతున్నారా? అయితే అది ఆరోగ్యానికి అంతమంచిది కాదని హెచ్చరిస్తున్నారు వైద్యులు.
* ఏసీ గదుల్లో తేమశాతం తక్కువగా ఉండటంతో డీ హైడ్రేషన్‌ సమస్య వస్తుంది. దాంతో తలనొప్పి, అది కాస్తా  మైగ్రేన్‌కి దారి తీస్తుంది.
* ఏసీలో ఉండేవారికి చర్మం పొడిబారుతుంది. ఆ చల్లని వాతావరణంలో కూర్చుని ఒకేసారి ఎండలోకి వెళితే ఈ సమస్య ఇంకా పెరుగుతుంది. కళ్లు పొడిబారే సమస్య ఉన్నవాళ్లు అసలు ఏసీలో ఉండకూడదు.
* ఎక్కువసేపు అదేపనిగా ఉన్నా ముక్కు, గొంతు వంటి శ్వాసకోశ వ్యాధులొస్తాయి. చల్లటి గాలిలోని తేమ వల్ల బ్యాక్టీరియా వృద్ధిచెంది ఇన్‌ఫెక్షన్‌ బారిన పడతారు. ఆస్తమా, సైనస్‌, అలర్జీలు ఉన్నవారు ఏసీలో ఉండకపోవడమే ఉత్తమం.

 

మొక్క ఆరోగ్యానికి...

మొక్కలకు తగినంత శక్తి అందాలంటే...అరటి తొక్కల్ని కొన్నిరోజుల పాటు నీళ్లలో నాననివ్వాలి. తర్వాత ఆ నీటిని వాటికి పోయాలి. ఇలా చేస్తే పొటాషియం, ఫాస్ఫరస్‌, క్యాల్షియం వంటి పోషకాలన్నీ అందుతాయి. చీడపీడల బెడద ఉండదు.
 

 

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి