చల్లని స్ప్రేలు చల్లుకుంటే...
close
Published : 14/05/2021 00:23 IST

చల్లని స్ప్రేలు చల్లుకుంటే...

ఎండలో బయటకు వెళ్లినప్పుడు ఎక్కువ ఉక్కగా అనిపించడం సహజం. ఇటువంటి సమయాల్లో ముఖంపై చల్లచల్లని స్ప్రే చల్లుకుంటే చాలు. ముఖం తాజాగా మారుతుంది. బయట కొనే స్ప్రేలలో రసాయనాలు ఉండొచ్చు. వీటివల్ల పలురకాల ఎలర్జీలకు గురికావచ్చు. అందువల్ల వీటిని ఇంట్లోనే తయారు చేసుకోవచ్చంటున్నారు  సౌందర్య నిపుణులు.
రోజ్‌వాటర్‌తో... కప్పు గులాబీ రేకులను వేడినీళ్లల్లో వేసి అయిదు నిమిషాలు నాననిచ్చి చల్లార్చాలి. దీనిని వడకట్టి పావుకప్పు తీసుకోవాలి. ఇందులో అయిదు నుంచి ఎనిమిది చుక్కల పుదీనా నూనె కలిపి స్ప్రే సీసాలో వేసి బాగా గిలకొట్టిన తర్వాతే భద్రపరచాలి. వెలుతురు తగలని చోట ఉంచి, నెలలోపే వినియోగించుకుంటే మంచిది.

కలబందతో... మూడు చెంచాల మెత్తని కలబంద గుజ్జుకు నాలుగు చుక్కల యూకలిప్టస్‌ లేదా లావెండర్‌ నూనె కలిపి చిన్న స్ప్రే సీసాలో వేసుకోవాలి. ఈ మిశ్రమం బాగా కలిసేలా సీసాను షేక్‌ చేసి ఫ్రిజ్‌లో ఉంచాలి. మూడు నెలల్లోపు దీన్ని వినియోగించుకోవచ్చు. వాడే ప్రతీ సారీ షేక్‌ చేస్తే చాలు. రోజులో రెండు లేదా మూడుసార్లు స్ప్రే చేసుకోవాలంటే మాత్రం కలబంద రసాన్ని పావుకప్పు తీసుకుని అందులో మూడు చెంచాల రోజ్‌వాటర్‌, యూకలిప్టస్‌ నూనె కలిపి సీసాలో వేసి బాగా కలిపి ఫ్రిజ్‌లో భద్రపరచాలి. ఇలా తయారు చేసుకున్న స్ప్రేను రెండు వారాల్లోపే వాడాలి.
గ్రీన్‌ టీ ప్యాక్‌తో... రెండు గ్రీన్‌ టీ ప్యాక్‌లను అరకప్పు ఐస్‌వాటర్‌లో మునిగేలా రెండు గంటలసేపు ఉంచాలి. ఆ తర్వాత ఈ టీని స్ప్రే సీసాలో పోసి బాగా షేక్‌ చేసి ఫ్రిజ్‌లో భద్రపరచాలి. రెండు వారాల్లోపు దీన్ని ఉపయోగించుకోవచ్చు.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి