Covid Help: దిల్లీ నుంచి దేశమంతా...
close
Updated : 14/05/2021 06:52 IST

Covid Help: దిల్లీ నుంచి దేశమంతా...

కరోనాతో సమయానికి మందులు అందక అగచాట్లు పడేవారు, ఆక్సిజన్‌ దొరక్క అల్లాడేవారు, పడకలే కరవై విలవిల్లాడేవారు.. ఎన్ని అగచాట్లో.. ఈ నేపథ్యంలో కొందరు యువతులు సేవ చేసేందుకు నడుం బిగించారు. సాంకేతికత ఆధారంగా వారు చేస్తున్న సేవ ఏంటో చూడండి...
సుపత్రిలో పడకలు, ప్లాస్మా, ఆక్సిజన్‌, అంబులెన్స్‌ కావాల’ంటూ వస్తున్న విజ్ఞాపనలు ఆన్యని కలచివేశాయి. బాధితులకు, ప్రాణాలను కాపాడగల వారికి మధ్య అనుసంధానం కూర్చాలనుకుంది.
ఆన్య విగ్‌ దిల్లీ లేడీ శ్రీరామ్‌ కాలేజీలో డిగ్రీ చదువుతోంది. తక్షణసాయం కావాలంటూ ఇన్‌స్టాగ్రామ్‌లో పోస్టింగులు చూసిన ఆమె గత ఏడాది ఏప్రిల్‌లో ‘కొవిడ్‌ ఫైటర్స్‌ ఇండియా’ పేరుతో వాట్సప్‌ గ్రూప్‌ రూపొందించింది. అనేక వనరులు, సాధన మార్గాల గురించి సామాజిక మాధ్యమాల్లో సందేశాలు వస్తుంటాయి. అవి నిజమైనవో, కావో హెల్ప్‌లైన్‌ నంబర్‌ లభ్యమవుతుందో లేదో తెలీదు. సాయం కావాల్సిన అందరికీ వనరులు సమకూరే మార్గాలను చూపాలనుకుందామె. అందుకోసం గూగుల్‌ స్ప్రెడ్‌షీట్‌ను వాడుతున్నారు. అందుబాటులో ఉన్న వనరులు, కొవిడ్‌ బాధపడుతున్నవారి వివరాలను ఎప్పటికప్పుడు ఇన్‌స్టాగ్రామ్‌ (జ్చ్చీ-్వ్చ‌్రi్ణ్ణ), ట్విట్టర్‌లు వేదికలుగా తెలియజేస్తుంటారు. దాంతో తక్షణం సమస్యలు పరిష్కృతమవుతున్నాయి. ఈ గ్రూపులో దిల్లీ పబ్లిక్‌ స్కూల్‌ విద్యార్థి అవనీసూద్‌ ముఖ్య సభ్యురాలు. వచ్చిన సమాచారం ఆధారంగా ఎవరి పరిస్థితి ఎలా ఉందో, అవసరాలేంటో కనుక్కుని అవి అందేట్లు చేస్తుంది. రోగులను చేర్చాక అవసరాలు తీరుతున్నాయో లేదో విచారిస్తుంది. ఈ సమాచారాన్నంతా ఎప్పటికప్పుడు ట్వీట్‌ చేస్తుంది. ముగ్గురితో ఆరంభమైన బృందంలో ప్రస్తుతం దేశవ్యాప్తంగా 4000 మంది సభ్యులు అంకితభావంతో పనిచేస్తున్నారు.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి