ముఖానికి కళ తెచ్చే రహస్యం!
close
Published : 15/05/2021 00:53 IST

ముఖానికి కళ తెచ్చే రహస్యం!


‘ఏంటోయ్‌.. ముఖం కళ తప్పుతోంది..’ అని మీతో ఎవరైనా అంటే మీరు ఆలోచించాల్సింది ముఖానికి ఏ క్రీం రాయాలని కాదు... మీలో ఒత్తిడి పెరుగుతుందేమోని. చర్మం కళతో మెరిసిపోవడానికీ, ఒత్తిడికీ ఏంటి సంబంధం అంటారా? అయితే మీరీ విషయాలు తప్పక తెలుసుకోవాల్సిందే!
చర్మం నిర్జీవంగా ఉన్నా, అందంగా మెరిసిపోతున్నా దానికి కారణం మనలోని ఒత్తిడి, అందుకు కారణమయ్యే హార్మోన్లే అంటున్నాయి తాజా అధ్యయనాలు. ముఖ్యంగా మనం భావోద్వేగాలకు గురైనప్పుడు కార్టిసాల్‌ అనే హార్మోన్‌ విడుదలై ఒత్తిడిని అదుపులో ఉంచుతుంది. శరీరంలో చాలా సహజంగా జరిగే ప్రక్రియ ఇది. ‘ఎప్పుడో ఒకసారి విడుదలవ్వాల్సిన ఈ హార్మోను ఒత్తిడితో కూడిన మన జీవనశైలి వల్ల తరచూ విడుదలవుతోంది. వారాలు, నెలలు, సంవత్సరాల తరబడి ఈ హార్మోను విడుదలైతే శరీరంలో అంతర్గత వాపులు మొదలవుతాయి. దాని కారణంగానే ఎగ్జిమా, మొటిమలు, యాక్నె, సొరియాసిస్‌ వంటి సమస్యలు వస్తాయి. పైగా కార్టిసాల్‌ ఎక్కువ విడుదల అయ్యే వారిలో నీటి నిల్వలు పడిపోతుంటాయి. దాంతో చర్మం పొడిబారి, కళ తప్పుతుంది. త్వరగా ముడతలు పడిపోతుంది. చర్మకణాలు తిరిగి పునరుత్తేజం అవ్వడమూ కష్టమవుతుంద’ని అంటున్నారు న్యూయార్క్‌కి చెందిన వైద్య నిపుణురాలు డాక్టర్‌ వెస్లర్‌.


ఇలా మన చర్మం కళ తప్పిపోకుండా ఉండాలంటే ఎటువంటి జాగ్రత్తలు తీసుకోవాలో చూద్దాం...

 

హాయినిద్రతో: అవును మనం హాయిగా ఆదమరచి నిద్రపోయినప్పుడు మనలో కార్టిసాల్‌ని అదుపులో ఉంచే ఆక్సిటోసిన్‌, ఎండార్ఫిన్లతో పాటు మరికొన్ని ఆరోగ్యానికి సహకరించే హార్మోన్లూ విడుదల అవుతాయి. కనీసం ఏడు గంటలైనా హాయిగా నిద్రపోతే ఆ సమయంలో దిగాలుపడిన చర్మం తిరిగి కళపుంజుకుంటుందని అధ్యయనాలు తేల్చి చెబుతున్నాయి.


చిలకాగోరింకల్లా ఉంటే: ముఖంలో కళకీ, చక్కని దాంపత్య జీవితానికీ కూడా సంబంధం ఉందని నిపుణులు అంటున్నారు. వినడానికి ఆశ్చర్యంగా ఉన్నా ఇది నిజమేనండోయ్‌! ప్రేమ నిండిన దాంపత్య జీవితాన్ని అనుభవించేవారిలో చర్మానికి కళపెంచే బెటా ఎండార్ఫిన్లు సమృద్ధిగా విడుదల అవుతాయి. ఫలితంగా మోము నిగనిగలాడుతుంది.


వ్యాయామంతో: రోజులో ఎంతో కొంత సమయాన్ని వ్యాయామానికి కేటాయించడం వల్ల కార్టిసాల్‌ స్థాయిలు అదుపులో ఉంటాయి. అయితే ఇలా వ్యాయామాలు చేసేటప్పుడు సన్‌స్క్రీన్‌లోషన్‌ రాసుకోవడం మరిచిపోవద్దని అంటున్నారు వైద్యులు.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి