వర్చువల్‌ మీటింగ్‌కు సిద్ధమేనా?
close
Published : 18/05/2021 00:19 IST

వర్చువల్‌ మీటింగ్‌కు సిద్ధమేనా?

ఆఫీసులో మీటింగ్‌ అనగానే ప్రొఫెషనల్‌ వాతావరణం కనిపిస్తుంది. ఇప్పుడు దాదాపుగా అందరూ ఇంటి నుంచే పని. దీంతో వర్చువల్‌ మీటింగ్‌లు తప్పనిసరి అవుతున్నాయి. మరి ఇక్కడా అదే తీరును కనబరుస్తున్నారా? చెక్‌ చేసుకోండి.
ఆఫీసులో ఎలాగైతే సమయానికి ముందుగానే సిద్ధంగా ఉంటారో.. ఇంట్లోనూ అలాగే ఉండేలా చూసుకోండి. ఇంటర్నెట్‌, ఉపయోగించే సాఫ్ట్‌వేర్‌ ఒక్కోసారి ఇబ్బంది పెట్టొచ్చు. వాటిని ముందుగానే చెక్‌ చేసుకోండి. వీటిపరంగా ఏదైనా సమస్య ఉంటే ముందుగానే తెలియజేయండి. అపుడు మీటింగ్‌ సమయాన్ని మార్చే వీలుంటుంది.
* ఆఫీసులో ఉండే నిశ్శబ్ద వాతావరణాన్ని ఇంట్లోనూ ఆశించలేం. ఇంట్లోవాళ్లు, బయటి శబ్దాలు.. వీటిని ఆపడం కష్టం. కుదిరితే వీటన్నింటికీ దూరంగా ఉండే గదిని ఎంచుకోండి. లేదా మీరు మాట్లాడేటపుడు మినహా మిగతా సమయాల్లో మ్యూట్‌లో ఉంచండి.
* ఇంట్లో సౌకర్యవంతమైన దుస్తులకే ఎక్కువమంది ప్రాధాన్యం. కానీ మీటింగ్‌ సమయంలోనూ అలాగే ఉంటామంటే కుదరదు. పనిపై సీరియస్‌గా లేరనే సందేశాన్నిచ్చిన వారవుతారు. కాబట్టి, దుస్తులు, కనిపించే తీరుపై దృష్టిపెట్టడం మర్చిపోవద్దు. పరిసరాలనూ గమనించుకోవాలి. చిందరవందరగా ఉన్న గది ఎదుటివారి దృష్టిని మరల్చొచ్చు. వీలైతే మీ వెనుక గోడ కనిపించేలా కూర్చుంటే మంచిది.
* కొవిడ్‌ తరువాత ఆహారం తినే వేళల్లో మార్పులొచ్చాయి. పని హడావుడిలో మర్చిపోతే మీటింగ్‌ పూర్తయ్యేంతవరకూ ఆగాల్సిందే. ఆఫీసులోనూ ఇదే పరిస్థితి ఎదురైతే బాక్స్‌ తీసుకుని హాజరవ్వరు కదా! ఇక్కడా అంతేనని గుర్తుంచుకోవాలి.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి