Immunity: ఐరన్‌ ఉమన్‌లవ్వండి!
close
Updated : 18/05/2021 10:39 IST

Immunity: ఐరన్‌ ఉమన్‌లవ్వండి!

ప్రస్తుత పరిస్థితుల్లో మన రోగనిరోధకతే మనల్ని కాపాడుతుంది. ఇది కావాలంటే మన రక్తంలో ఐరన్‌ నిల్వలు తగినంత ఉండాల్సిందే. రక్తహీనత వల్ల బోలెడు సమస్యలు వస్తాయి. కాబట్టి ఆహారంలో ఇనుము తప్పక ఉండాలి.

దానిమ్మ: ఈ పండులో ఇనుము, మెగ్నిషియం, క్యాల్షియం మూలకాలతోపాటు విటమిన్‌-సి, యాంటీ ఆక్సిడెంట్‌ సమ్మేళనాలు మెండు. రోజూ ఈ పండు లేదా పండ్ల రసం తీసుకోండి. లేకపోతే దానిమ్మ గింజల పొడి మార్కెట్లో దొరుకుతుంది. రోజుకు రెండు చెంచాల పొడిని గోరువెచ్చని నీటిలో వేసుకుని తాగితే హిమోగ్లోబిన్‌ పెరుగుతుంది.

పాలకూర: ఇనుము సమృద్ధిగా లభించే ఆకుకూరల్లో ఇది ముఖ్యమైంది. దీంట్లో యాంటీఆక్సిడెంట్లూ పుష్కలం. కాబట్టి కూర, పప్పు, సూప్‌... ఇలా నచ్చిన పద్ధతిలో తీసుకోండి.

యాపిల్‌: రోజూ తింటే హిమోగ్లోబిన్‌ శాతం పెరుగుతుంది. కాబట్టి రక్తహీనతతో బాధపడే వారికి చక్కటి ఎంపిక ఇది.

జామ: దీంట్లో విటమిన్‌-సితోపాటు ఐరన్‌ అధికంగానే ఉంటుంది. రక్తవృద్ధిని పెంచుతుంది.

అరటిపండు: దీంట్లో ఇనుము నిల్వలు ఎక్కువే. కాబట్టి తరచూ తీసుకోవాలి.

బీట్‌రూట్‌: శరీరంలో హిమోగ్లోబిన్‌ను పెంచుతుంది. దీని ఆకుల్లో దుంపలో కంటే మూడు రెట్లు ఎక్కువ ఐరన్‌ ఉంటుంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి