మెరిపించే బొప్పాయి!
close
Published : 18/05/2021 00:19 IST

మెరిపించే బొప్పాయి!

బొప్పాయి తింటే పోషకాలు లభించి ఆరోగ్యంగా ఉంటాం. అలాగే ఇది జుట్టుకీ మేలు చేస్తుంది. జుట్టు రాలడాన్ని తగ్గించి, చిట్లిన కేశాలకు పోషణనిచ్చి ఒత్తుగా పెరిగేలా చేస్తుంది. మరి ఆ పూతలు ఎలా వేసుకోవాలో చూద్దామా...

సెనగపిండి, పెరుగుతో...
మొదట కప్పు ముక్కలను మిక్సీలో వేసి మెత్తగా చేసుకోవాలి. దీంట్లో మూడు చెంచాల పెరుగు, రెండు చెంచాల సెనగపిండి కలపాలి. ఈ మిశ్రమాన్ని జుట్టు కుదుళ్లకు పట్టించి. షవర్‌ క్యాప్‌ పెట్టుకోవాలి. అరగంట తర్వాత గాఢత తక్కువగా ఉండే షాంపుతో కడిగేయాలి. పదిహేను రోజులకోసారి ఈ పూత వేసుకుంటే మీ జుట్టు ఆరోగ్యంగా, దృఢంగా మారుతుంది.

ఆలివ్‌ నూనెతో...
నాలుగు చెంచాల బొప్పాయి గుజ్జులో రెండు చెంచాల ఆలివ్‌ నూనె వేసి బాగా కలపాలి. ఈ మిశ్రమాన్ని జుట్టుకు పట్టించాలి. మాడుపై రాసి మృదువుగా మర్దనా చేయాలి. ఓ గంటపాటు జుట్టును అలానే వదిలేయాలి. ఆ తర్వాత మైల్డ్‌ షాంపుతో కడిగేస్తే సరి. వారంలో ఒకసారి దీన్ని ప్రయత్నించండి. ఈ పూత వల్ల జుట్టుకు పోషణతోపాటు మెరుపూ సొంతమవుతుంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి