Miss Universe 2020: మిస్‌ యూనివర్స్‌ మెక్సికన్‌ సుందరి
close
Updated : 18/05/2021 08:05 IST

Miss Universe 2020: మిస్‌ యూనివర్స్‌ మెక్సికన్‌ సుందరి

మిస్‌యూనివర్స్‌ కిరీటం అందుకున్న 26 ఏళ్ల మెక్సికో భామ ఆండ్రియా మెజా... తన కలని సాకారం చేసుకోవడానికి ఐదేళ్లు ఓపిగ్గా ఎదురుచూసింది. ఈ సమయంలో ఎన్నో రంగాల్లో తనదైన ముద్ర వేసుకుంది. మెక్సికోలోని చిహువాహువా ప్రాంతానికి చెందిన ఈ అమ్మడికి చైనా మూలాలు కూడా ఉన్నాయి. ముగ్గురాడ పిల్లలున్న ఇంట్లో పెద్దమ్మాయి. సైన్స్‌పై ఇష్టంతో ఇంజినీరింగ్‌ చేసిన ఈమె సాఫ్ట్‌వేర్‌ ఇంజినీర్‌గా తన కెరీర్‌ని మొదలుపెట్టింది. ఉద్యోగం చేస్తూనే మోడలింగ్‌లోనూ అదృష్టాన్ని పరీక్షించుకోవాలనుకుంది. ఆ మరుసటి ఏడాదే మిస్‌ మెక్సికో కిరీటాన్ని సొంతం చేసుకుంది. మేకప్‌పై ఉన్న ఇష్టంతో మేకప్‌ ఆర్టిస్ట్‌గానూ రాణించడం మొదలుపెట్టింది. జంతుహింసను ఇష్టపడని ఈ అమ్మడు వేగాన్‌గా మారిపోయింది. దుస్తుల వ్యాపారంలోనూ పట్టు సాధించింది. మెజాకి ఇద్దరు చెల్లెళ్లతోపాటు నలభైమంది కజిన్స్‌ కూడా ఉన్నారు. పెద్ద కుటుంబంలో కలిసి ఉండటం అంటే ఇష్టం అనే మెజా బాధైనా, కోపమైనా... సంతోషమైనా పాడుతూనే చెబుతుంది.

పాటలంటే అంత ఇష్టం మరి. సొంతంగా సాఫ్ట్‌వేర్‌ సంస్థనీ, ఓ ఫిట్‌నెస్‌ క్లబ్‌నీ తెరవాలనేది తన లక్ష్యం అనే ఈ అమ్మడు నిరంతరం కొత్త ఆలోచనలు చేయడంలో అసలైన మార్పు ఉంటుందని అంటుంది. మెక్సికో మహిళా హక్కుల అంబాసిడర్‌గా పనిచేస్తోంది. నీ దేశానికి నాయకత్వం వహించే అధికారం ఇస్తే కొవిడ్‌ని ఎలా ఎదుర్కొంటావ్‌? అన్న ప్రశ్నకు... ‘ఒక్క ప్రాణం పోవడం కూడా నాకు ఇష్టం లేదు. పరిస్థితులు చేయిదాటకముందే లాక్‌డౌన్‌ ప్రకటిస్తా’ అంటూ సమాధానమిచ్చింది. ప్రస్తుతం మన సమాజం చాలా అభివృద్ధి చెందింది. దాంతో పాటే మూసధోరణులూ పెరిగాయి. అందం అంటే బాహ్య సౌందర్యం ఒక్కటే కాదు... మన ఆలోచనా విధానం, మన వ్యవహారశైలి వంటి వాటిలో ఉంటుంది అందం. మనల్ని తక్కువ చేయడానికి ఇతరులకు ఎప్పుడూ అవకాశం ఇవ్వద్దు అని కుండబద్దలు కొడుతుందీ మెక్సికన్‌ సుందరి.

మెక్సికోకు చెందిన అందాల భామ ఆండ్రియా మెజా(26) మిస్‌ యూనివర్స్‌ కిరీటాన్ని సొంతం చేసుకున్నారు. 73 దేశాలకు చెందిన సుందరీమణులు పాల్గొన్న 69వ విశ్వసుందరి పోటీల్లో భారత్‌కు చెందిన మిస్‌ ఇండియా ఎడలిన్‌ కాస్టిలినో నాలుగో స్థానంలో నిలిచారు. కరోనా విజృంభణ కారణంగా గత ఏడాది చివరిలో జరగాల్సిన మిస్‌ యూనివర్స్‌ 2020 పోటీలు ఆదివారం రాత్రి మియామిలోని ఓ హోటల్‌లో జరిగాయి. మిస్‌ యూనివర్స్‌ అధికారిక వెబ్‌సైట్‌ ప్రకారం...26 ఏళ్ల మెక్సికన్‌ ఆండ్రియా మెజా ప్రథమ స్థానంలో నిలిచారు. మిస్‌ యూనివర్స్‌ కిరీటాన్ని 2019 విజేత జోజిబిని (దక్షిణాఫ్రికా) నుంచి అందుకున్నారు.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి