ఎముకలు భద్రమిలా..
close
Published : 20/05/2021 01:01 IST

ఎముకలు భద్రమిలా..

మెనోపాజ్‌ దశకు చేరుకున్న మహిళలు ఎక్కువగా ఆస్టియోపొరోసిస్‌ బారిన పడుతున్నారు. దీన్ని అధిగమించాలంటే ఏం జాగ్రత్తలు తీసుకోవాలో చూద్దాం..
ఆస్టియోపొరోసిస్‌ అంటే ఎముకల్లో పటుత్వం తగ్గి గుల్లబారిపోవడం. మెనోపాజ్‌ దశలో ఉన్న మహిళల్లోనే ఈ సమస్య అధికం. ఈ వయసులో ఎముకలు విరిగితే అతుక్కోవడం చాలా కష్టం. కాబట్టి చిన్నపాటి జాగ్రత్తలు తీసుకుని ఈ సమస్యకు చెక్‌ పెట్టొచ్చు.
* బరువును అదుపులో ఉంచుకోవాలి. దీనివల్ల జీవక్రియ రేటు పెరుగుతుంది. ఇందుకోసం రోజూ వ్యాయామం చేయాలి. కొద్దిపాటి బరువులు కూడా ఎత్తుతుండాలి. దీంతో కండరాలు దృఢమవుతాయి. ఎముకలూ బలంగా మారతాయి.
* అనారోగ్యకరమైన జీవన శైలి, పోషకాహార లేమి వంటివి కూడా ఆస్టియోపొరోసిస్‌కి కారణమే! అందుకే రోజువారీ ఆహారంలో బాదం, వాల్‌నట్స్‌, పాల పదార్థాలు, గుడ్లువంటివి ఉండేలా చూసుకోవాలి. క్యాల్షియం లోపం ఉన్నా ఎముకల్లో సాంద్రత తగ్గుతుంది. కాబట్టి క్యాల్షియం అందే ఆహారాన్ని తీసుకుంటుండాలి.  
* కొన్నిసార్లు ఇతర జబ్బులకి సంబంధించిన మందులు అధికంగా వాడినా ఎముకలు గుల్లబారతాయి. కాబట్టి ఏడాదికి ఒకసారి పరీక్షలు చేయించుకుంటూ ఆ మందుల్ని తగ్గిస్తే మంచిది.
* విటమిన్‌ డి లోపం ఉన్నా ఈ రకమైన సమస్య ఎదురు కావొచ్చు. రోజూ ఎండలో కాసేపు కూర్చుంటే మేలు.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి