పురుగూ పుట్రా ఇలా దూరం చేద్దాం!
close
Published : 20/05/2021 01:04 IST

పురుగూ పుట్రా ఇలా దూరం చేద్దాం!

ఎండాకాలం వేడికి ఎక్కడో మూలనున్న పురుగూ, పుట్రా బయటకు వస్తుంటాయి. వాటిని చంపడానికి మనం రసాయనాలతో కూడిన స్ప్రేలూ, జెల్స్‌, ట్రాప్‌లు వాడుతుంటాం. అలాకాకుండా ఈ సారి సహజపదార్థాలతో ఇలా ప్రయత్నించి చూడండి.  
పావుకప్పు చొప్పున మౌత్‌వాష్‌, నీళ్లు, బేకింగ్‌సోడా స్ప్రే బాటిల్‌లో వేసి బాగా కలపండి. దీన్ని బొద్దింకలు ఉన్న చోట చల్లి రాత్రంతా వదిలేయాలి. పుదీనాని ఎండబెట్టి పొడి చేసి దానికి కాస్త వంటసోడా నీళ్లు కలిపి మూలల్లో పెడితే వాటి సమస్య దూరమవుతుంది.
*  కాఫీపొడిని పల్చని వస్త్రంతో చిన్నచిన్న మూటలు కింద కట్టి, వాటిని బొద్దింకలు తిరిగే చోట ఉంచితే ఆ ప్రదేశానికి రావు. అలానే బిర్యానీ ఆకుని పొడి చేసి దానికి కాస్త వెనిగర్‌, వంటసోడా కలిపి మొక్కల దగ్గర పెడితే... చీడపీడల సమస్య ఉండదు.
*  లవంగాల పొడిలో చెంచా బొరాక్స్‌ పౌడర్‌ కలిపి చీమలు వచ్చే చోట చల్లితే సరి. మూడొంతుల బొరాక్స్‌ పొడికి, ఒక వంతు పంచదారని కలిపి పురుగుపుట్రా ఉండే చోట చల్లితే ఇబ్బంది ఎదురుకాదు.
*  వేపనూనె, ఫ్యాబ్రిక్‌ సాఫ్ట్‌నర్‌లను సమపాళ్లలో తీసుకుని స్ప్రే బాటిల్‌లో వేసి కలపండి. దీన్ని పురుగులు వచ్చే చోట చల్లితే ఫలితం ఉంటుంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి