కూరగాయల్ని శుభ్రం చేద్దామిలా..
close
Published : 20/05/2021 01:08 IST

కూరగాయల్ని శుభ్రం చేద్దామిలా..

ఈ కరోనా వల్ల బయట ఏం కొన్నా, ఏం తిన్నా భయమే కదా! అందుకే చాలామంది పండ్లను, కూరగాయల్ని శుభ్రం చేసే విషయంలో అతి జాగ్రత్త చూపుతున్నారు. వాటివల్ల లేనిపోని సమస్యలూ తెచ్చుకుంటున్నారు. అలా కాకుండా ఉండాలంటే...
కొంతమందికి ప్రతి వస్తువునూ శానిటైజ్‌ చేయడం అలవాటయ్యి పండ్లు, కూరగాయల్ని కూడా అదేవిధంగా శుభ్రం చేస్తున్నారు. మరికొందరైతే సబ్బునీళ్లతో కడుగుతున్నారు. ఈ రెండూ సరికావు. ఇలా చేస్తే వాటిల్లో ఉండే ఆల్కహాల్‌ వల్ల కూరగాయల్లో ఉండే పోషకాలు నశిస్తాయి. అలా కడిగిన పండ్లను తినడం వల్ల గ్యాస్ట్రిక్‌, జీర్ణ సమస్యలతో ఇబ్బంది పడాల్సి వస్తుంది. అందుకే సహజసిద్ధంగా తయారుచేసే ద్రావణాలతో కడగాలని వైద్యులు సలహా ఇస్తున్నారు.

అవేంటంటే..
* ఒక బకెట్‌ నీళ్లలో కళ్లుప్పు, పసుపు వేసి కలపండి. ఈ నీళ్లలో తెచ్చిన పండ్లు, కూరగాయల్ని ఓ అరగంట సేపు ఉంచండి. తర్వాత మామూలు నీళ్లతో శుభ్రం చేస్తే సరి. వీటిలో ఉండే యాంటీ బ్యాక్టీరియల్‌  గుణాలు వైరస్‌లను నశింపచేస్తాయి.
*బేకింగ్‌ పౌడర్‌, వెనిగర్‌ కలిపిన నీటిలో కాసేపు వీటిని ఉంచండి. పైనున్న క్రిములు అన్నీ నశించిపోతాయి. తర్వాత కూరగాయల్ని మంచి నీటితో శుభ్రం చేస్తే సరిపోతుంది. దాంతో అటు కరోనా భయమూ ఉండదు. ఇటు అనారోగ్య సమస్యలూ దరిచేరవు.
* అన్నట్టు క్యారట్‌, బీట్‌రూట్‌, దుంపజాతి రకాల్ని మాత్రం కూరగాయలతో కలిపి కడగొద్దు. ముందుగా వీటిని మెత్తటి స్క్రబ్‌తో రుద్దండి. తర్వాత చల్లని నీటిలో కడిగి ఆరబెట్టండి. వండేటప్పుడు చెక్కు తీసేస్తే సరి.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి