వేసవిలో చల్లగా..
close
Updated : 20/05/2021 07:18 IST

వేసవిలో చల్లగా..

వేసవిలో ముఖం నల్లగా మారి, పొడిబారుతుంది. జిడ్డు చర్మంగలవారికి ముఖం జిడ్డుగా మారి ఇబ్బంది పెడుతుంది. దీనికి ఐస్‌తో చెక్‌ పెట్టవచ్చు. అలానే ఐస్‌తో మరిన్ని ప్రయోజనాలున్నాయ్‌...
కళ్లు బాగా అలసిపోయినప్పుడు వాటి చుట్టూ నలుపు కనిపిస్తుంది. నిర్జీవంగా కూడా కనపడతాయి. అప్పుడు ఐస్‌ప్యాక్‌తో కళ్ల చుట్టూ మసాజ్‌ చేయండి. వాపు తగ్గి ప్రకాశవంతంగా కనిపిస్తాయి.
*ఎండలో తిరిగినప్పుడు చర్మ సమస్యలు వస్తుంటాయి. అలాంటప్పుడు ఒక కాటన్‌ వస్త్రంలో ఐస్‌ క్యూబ్స్‌ చుట్టి నెమ్మదిగా రుద్దితే ముఖం తేటగా అవుతుంది.  
* ముఖం మీద ఐస్‌క్యూబ్స్‌తో రుద్దడం వల్ల ముఖం మీద ఉన్న రంధ్రాలు తగ్గుతాయి. దీంతో జిడ్డు చర్మంగల వారికి చమురు కారడం నియంత్రణలోకి వస్తుంది.  
* కొద్దిగా రోజ్‌వాటర్‌లో దోస రసాన్ని కలిపి ఐస్‌ ట్రేలో వేసి ఫ్రీజర్‌లో ఉంచండి. ఈ క్యూబ్‌తో ముఖం మీద రుద్దుకోవాలి. క్రమం తప్పక ఇలా చేస్తూ ఉంటే మొటిమలు, మచ్చలూ తొలిగిపోతాయి.
* ముఖం మీద ఫౌండేషన్‌ రాసుకునేటప్పుడు ముందుగా ఐస్‌ ప్యాక్‌ వేసుకోండి. ఆ తర్వాత రాస్తే ముఖానికి అతుక్కుని ఎక్కువసేపు ఉంటుంది. అలాగే పొడిబారిన పెదవులమీద ఐస్‌తో రుద్దితే మృదువుగా మారతాయి.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి