మీరు ఒంటరి కాదు..మేము తోడున్నాం!
close
Published : 22/05/2021 01:17 IST

మీరు ఒంటరి కాదు..మేము తోడున్నాం!

కొవిడ్‌కి హోమ్‌ ఐసోలేషన్‌ ద్వారా కోలుకుంటున్నవారే ఎక్కువ. కానీ ఆ సమయంలో వేసుకోవాల్సిన మందులు, తీసుకోవాల్సిన జాగ్రత్తలపై చాలామందికి అవగాహన ఉండటం లేదు. ఇలాంటివారికి సాయం చేయడానికి డాక్టర్‌ అహిలా అయ్యావూ ఆధ్వర్యంలో ఓ వేదిక సిద్ధమైంది.
కోయంబత్తూరుకు చెందిన అహిలా అయ్యావూ పీడియాట్రిక్‌ ఎండోక్రైనాలజిస్ట్‌. ‘కొవిడ్‌ సోకినవారిలో 75 శాతం మంది హోమ్‌ ఐసోలేషన్‌ ద్వారా కోలుకోవచ్చు. ఆక్సిజన్‌ స్థాయులు పడిపోయినప్పుడు మాత్రమే ఆసుపత్రిలో చేరాల్సి ఉంటుంది. సరైన మెడికేషన్‌, జాగ్రత్తలు తీసుకుంటే సరి’ అంటారు అహిలా. కానీ దేశవ్యాప్తంగా ఈ అవగాహన కొరవడుతోందని భావించింది. టెలి మెడిసిన్‌ సర్వీస్‌ ద్వారా వీటిపై అవగాహన కల్పించవచ్చనుకుంది.
దేశ, విదేశాల్లో డాక్టర్లుగా చేస్తున్న తన బ్యాచ్‌మేట్లు, జూనియర్లను సంప్రదించింది. తీవ్ర లక్షణాలున్న వారితో ఆసుపత్రులన్నీ నిండిపోయి, తక్కువ లక్షణాలు ఉన్న చాలా మందికి డాక్టర్లను సంప్రదించే వీలు లేకపోవడాన్ని వారితో చర్చించింది. ఒక వేదికగా వారికి సాయం చేద్దామని పిలుపునిచ్చింది. వారూ ముందుకొచ్చారు. మొత్తం 28 మందితో కలిసి ‘వైఏఎన్‌ఏ (యూ ఆర్‌ నాట్‌ అలోన్‌) ఇండియా’ పేరిట వెబ్‌సైట్‌ను ప్రారంభించింది. డాక్టర్లతోపాటు సాంకేతిక నిపుణులు, వాలంటీర్లనూ అహిలా ఇందులో భాగంగా చేర్చింది.

ఈ వైద్యులు 24 గంటలు అందుబాటులో ఉంటారు. జూమ్‌ యాప్‌ ద్వారా ఆన్‌లైన్‌లో నేరుగా రోగి పరిస్థితిని అంచనా వేసి, మందులు సూచిస్తారు. కాకపోతే కొవిడ్‌ నిర్థరణ అయినవారు వెబ్‌సైట్‌లో నమోదు చేసుకోవాలి. దాని ప్రకారం వారికి తేదీ, సమయాలతో స్లాట్‌ కేటాయిస్తారు. వారికి ఒక వాలంటీరును కేటాయిస్తారు. వీరు ఆ పేషెంట్‌కు అన్నివేళలా అందుబాటులో ఉంటారు. ఈ సేవలన్నీ ఉచితమే.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి