Marital Life: దాంపత్యం ఆదర్శంగా సాగాలంటే...
close
Updated : 23/05/2021 12:07 IST

Marital Life: దాంపత్యం ఆదర్శంగా సాగాలంటే...

భార్యాభర్తల అనుబంధం కలకాలం అనురాగంతో సాగిపోవాలంటే... నిజాయతీ మీతోడు కావాలి. పరిస్థితులను బట్టి సర్దుకుపోగలగాలి. ప్రేమించడం అలవాటు చేసుకోవాలి. అప్పుడే సంతోషం మీ సొంతమవుతుంది.
ఏ బంధంలో అయినా తాత్కాలికమైన, క్షణికమైన ఆవేశాలు, వాగ్వివాదాలు సహజమే. అలాగని వాటినే పట్టుకుని వేలాడొద్దు. సమస్య సద్దుమణిగాక వాస్తవంగా మిమ్మల్ని మీరు తరచి చూసుకోండి. అవతలివారి స్థానంలో మీరుంటే...ఏం చేస్తారో ఆలోచించండి. తర్వాత మీ తప్పు ఉన్నా...సరిదిద్దుకోవాల్సిన విషయం కనిపించినా వెనకడుగు వేయొద్దు. ఆ విషయం నిజాయతీగా ఒప్పుకొంటే...ఎంతటి పెద్ద చిక్కుముడైనా ఇట్టే వీడిపోతుంది.
* అంతేకాదు...భాగస్వామితో ఏదైనా విషయం చెప్పడానికి దాగుడు మూతలు ఆడుతుంటే ఎదుటివారిలో అభద్రత కనిపించొచ్చు. జీవిత భాగస్వామితో వీలైనంత పారదర్శకంగా ఉండాలి. అప్పుడే ఒకరిపై మరొకరికి గట్టి నమ్మకం ఏర్పడుతుంది.
* భార్యాభర్తల మధ్య శారీరకంగానే కాదు, మానసికంగానూ సాన్నిహిత్యం ఉండాలి. సమయం దొరికినప్పుడల్లా కలిసి కూర్చోవడం, ఇద్దరికీ ఆసక్తి ఉన్న అంశాలపై మాట్లాడుకోవడం.. ఇలాంటివన్నీ మీ అనుబంధాన్ని బలపరుస్తాయి.
* పెళ్లయ్యాక...భార్య/భర్తను ఆకట్టుకునే విషయంలో నిర్లక్ష్యం ప్రదర్శిస్తుంటారు. పెళ్లికాకముందు మీపై మీరెంత శ్రద్ధ చూపించారో...ఇప్పుడూ అదే చేయండి. ఏ విషయంలో అయినా భాగస్వామి మిమ్మల్ని విమర్శిస్తుంటే కుంగిపోనక్కర్లేదు. మిమ్మల్ని మీరు ప్రేమించుకోండి. మీ బలాల్ని పెంచుకోండి. ఇవన్నీ మీ బంధాన్ని చక్కబరిచేవే.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి