రోజూ వందమందికి ప్రసాదం!
close
Published : 25/05/2021 00:39 IST

రోజూ వందమందికి ప్రసాదం!

కొవిడ్‌కు గురైన కుటుంబాలకు రెండు పూటలా ఉచితంగా ఆహారాన్ని అందిస్తోంది నీనా మునియాల్‌. తోటి మహిళతో కలిసి ‘ప్రసాదం’ పేరుతో ఆహారాన్ని పంపిణీ చేస్తోంది ఆగ్రాకు చెందిన నీనా మునియాల్‌ బృందం.  
ఈ ఏడాది కరోనా వ్యాప్తి తిరిగి పెరిగిపోవడం గుర్తించారు నీనా, ఆమె స్నేహితురాళ్లు. బాధితుల కోసం ఏదైనా చేయాలనుకున్నారు. అలా ప్రారంభమైందే ‘ప్రసాదం’. మొదట్లో అందరూ కలిసి వంటచేసి బాధితులకు పంపాలనుకున్నారు. అయితే లాక్‌డౌన్‌ కారణంగా ఎవరికివారే తమ ఇంట్లో ఆహారాన్ని తయారు చేయాలని ఏప్రిల్‌లో నిశ్చయించుకున్నారు. ఇందుకోసం చుట్టు పక్కల ప్రాంతాలను ఎంచుకుని, అక్కడివారికి తమ సేవ గురించి వాట్సాప్‌, ఇన్‌స్టాగ్రాం, ఫేస్‌బుక్‌ వంటి మాధ్యమాల్లో సమాచారమిచ్చారు. అందులో ఆయా ప్రాంతాల్లో ఉన్న ‘ప్రసాదం’ బృంద మహిళల ఫోన్‌ నెంబర్లు పొందుపరిచారు. అలా నీనాకు ఫోన్‌కాల్స్‌ రావడం మొదలైంది. అవసరమైన వారు గ్రూపులో వారి వివరాలతో పాటు కొవిడ్‌ నిర్థరణ పరీక్ష నివేదిక ఉంచితేచాలు. వారికి రెండు వారాల పాటు భోజనాన్ని పంపిణీ చేస్తున్నాం.  ‘మధ్యాహ్నం లంచ్‌ ఒంటిగంటకు, అలాగే రాత్రి ఏడున్నర గంటలకు డిన్నర్‌ అందిస్తున్నాం. రోటీ, కూర, కిచిడీ వంటివాటితోపాటు కొందరికి సలాడ్‌, సూప్‌ వంటి ఆహారాన్నీ పంపిస్తున్నా. అయితే అన్నింటిలో పోషక విలువలుండేలా జాగ్రత్తపడుతున్నా. మా ఇంటికి దగ్గర్లోని ఖండారీ, లాయర్స్‌ కాలనీ, సికంద్రా, బాఘ్‌ ఫర్జానా, లాజ్‌పుట్‌ కుంజ్‌, దివానీ ప్రాంతాలకు చెందిన 100 మందికి రెండుపూటలా ఆహారాన్ని తయారుచేసి పంపిస్తున్నా. ఇందుకోసం ఇద్దరు వలంటీర్లను ఏర్పాటు చేసుకున్నా. ఇదంతా నా సొంత ఖర్చుతోనే. ఈ వైరస్‌ తగ్గుముఖం పట్టేవరకూ ఈ సేవలను కొనసాగిస్తాం. భగవంతుడు మా ద్వారా ప్రసాదాన్ని అందరికీ అందించే అవకాశాన్ని కల్పించాడ’ని సంతోషిస్తోంది నీనా.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి