మోముకు పాల మెరుపు!
close
Published : 25/05/2021 00:43 IST

మోముకు పాల మెరుపు!

పాలు పోషకాలనిస్తాయి. అంతేనా... బుగ్గలకు చక్కటి  మెరుపునూ అందిస్తాయి. ఎలానో చూద్దామా..
పొడి, సున్నితమైన చర్మం ఉన్నవారు ముఖానికి తేనె, పాలు కలిపి రాసుకుంటే కాంతులీనే మోము మీ సొంతమవుతుంది. ఈ రెండూ చర్మంలోని మురికిని తొలగించి శుభ్రం చేస్తాయి. పొడి చర్మానికి కావాల్సిన పోషణను అందిస్తాయి. అంతేకాదు మొటిమలు, మచ్చలు, నల్లటి వలయాలు తగ్గుముఖం పడతాయి.
ఎలా వాడాలంటే.. చెంచా చొప్పున పాలు, తేనెలను ఓ చిన్నపాటి గిన్నెలో కలపాలి. ఈ మిశ్రమాన్ని ముఖానికి పూతలా వేసుకుని చేతివేళ్లతో మృదువుగా మర్దనా చేయాలి. పావు గంట తర్వాత చల్లటి నీటితో కడిగేయాలి.
పసుపు, పచ్చపాలతో.. ముఖంపై ఏర్పడే మరకలను తొలగించాలంటే... పసుపు, పచ్చి పాలు కావాల్సిందే. రకరకాల రసాయనాల క్రీమ్‌లు వాడే బదులు సహజసిద్ధమైన ఈ పదార్థాలు మేనుకు మేలు చేస్తాయి. పసుపులోని సమ్మేళనాలు బ్లీచింగ్‌ ఏజెంట్‌లా పనిచేస్తాయి. పాలు టోనర్‌, క్లెన్సర్‌లా ఉపయోగపడతాయి. ఈ రెండింటితో సహజంగానే చర్మం పూర్తిగా శుభ్రపడుతుంది.  
ఓ పాత్రలో పెద్ద చెంచా పచ్చిపాలు, పావుచెంచా పసుపు వేసి కలపాలి. దీన్ని ముఖానికి రాసుకుని మసాజ్‌ చేయాలి. ఇరవై నిమిషాల తర్వాత నీటితో కడిగేయాలి. ఇది ముఖాన్ని మృదువుగా మార్చి మెరిసేలా చేస్తుంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి