ఎప్పుడూ అదేనా!
close
Published : 25/05/2021 00:47 IST

ఎప్పుడూ అదేనా!

స్కూల్లో కలిసి చదివిన నా స్నేహితురాలితో కాసేపు మనసు విప్పి మాట్లాడదామంటే కుదరడం లేదు. ఆమె ప్రవర్తన మారిపోయింది. తను కొనుక్కున్న చీరలు, నగల గురించి గొప్పలు చెప్పడమే సరిపోతోంది. తను ఎందుకిలా మారిందో, మార్పు రావాలంటే ఏం చేయాలో చెప్పండి.  

- ఓ సోదరి

మనం గమనించాల్సింది ఏమంటే స్కూల్లో ఉన్నప్పుడు చదువు, సినిమాలు, ఆటలు, పాటలు, ఒకరి గురించి ఒకరు ముచ్చట్లు ఇలా మన ప్రపంచం చాలా చిన్నది. పెద్దవుతున్న కొద్దీ పరిస్థితులు, ప్రభావాలు, జీవనసరళి మారిపోతుంటాయి. చిన్నప్పుడున్నట్టే తర్వాతా ఉండాలనుకోవడం తప్పు. ఇంకో సంగతేమంటే మన ఇష్టాలతో సరిపోయేవాళ్లు పెద్దయ్యాక్కూడా స్నేహితులుగా ఉంటారు. అనుకూలమైన వాళ్లతో ఉంటే ఇలాంటివి సమస్యలుగా అనిపించవు. ఆమెకి చీరలు, నగలు, గొప్పలు చెప్పుకోవడంలో ఆనందం కనుక అలా ఉంటుంది. మీకు వాటిమీద ఇష్టం లేనందున చిరాకుగా అనిపిస్తుండొచ్చు. అనవసరంగా ఆవిడతో మాట్లాడి ఒత్తిడి ఫీలవడం కంటే మీ మనస్తత్వానికి సరిపోయే వాళ్లతో స్నేహంగా మెలగొచ్చు. ఒకవేళ అలా దొరక్కపోతే టీవీలో మంచి కార్యక్రమాలో యూట్యూబ్‌లో వంటలో చూడండి. పిల్లలతో కాలం గడుపుతూ వాళ్లకు ఆదర్శంగా ఉండండి. మీవారితో కబుర్లు చెప్పండి. రోజంతా కలిసుండే మీ కుటుంబసభ్యులకు మీ గురించి బాగా తెలుసు, అర్థం చేసుకుంటారు కనుక వాళ్లు మీకు సంతోషాన్ని ఇవ్వగలుగుతారు.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి