బుజ్జాయిలకూ ఓ డిజైనర్‌!
close
Published : 25/05/2021 01:05 IST

బుజ్జాయిలకూ ఓ డిజైనర్‌!

బుజ్జిబుజ్జి చేతులకు మురుగులు వేసి ముచ్చట తీర్చుకోవాలని ఏ తల్లికైనా ఉంటుంది కదా! చిట్టిచెవులకు పెట్టే పోగుల్ని మళ్లీమళ్లీ చూడాలనిపిస్తుంది. వీటితోపాటు మరిన్ని విభిన్నమైన నగలు తయారుచేస్తూ బేబీ జ్యుయలరీలో తనదైన ముద్ర వేస్తోంది రాజసీ జిందాల్‌. మూడేళ్ల క్రితం ఆమె మొదలుపెట్టిన రాజసీ జిందాల్‌ బ్రాండ్‌ ఎంతో మంది సెలబ్రిటీల మనసు దోచుకుంది. ‘పదునైన అంచుల్లేకుండా, తేలికగా, పిల్లలు పాకినప్పుడు, పడుకొన్నప్పుడు అసౌకర్యంగా లేకుండా చేయడం కోసం చాలా ప్రయోగాలు చేయాల్సి వచ్చింది. ముఖ్యంగా మన సంప్రదాయాన్ని తెలిపే దిష్టిపూసల్లాంటి వాటిని జోడించి ఆధునికతని అద్దడం కాస్త కష్టమైంది. పిల్లలకు కొన్ని లోహాలు హైపో అలర్జిక్‌ సమస్యల్ని కలిగించవచ్చు. వీటన్నింటినీ సరిచేసుకుంటూ దీన్నో బ్రాండ్‌గా తీసుకొచ్చా’ అంటోంది రాజసి. చూడ్డానికి ఎంతో ముద్దుగా ఉండే ఈ నగల్ని శిల్పాశెట్టి వంటివారు తమ పిల్లలకోసం ముచ్చటపడి కొనుక్కుంటున్నారట.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి