పాల దంతాలపై శ్రద్ధ తీసుకుంటున్నారా?
close
Updated : 28/05/2021 00:56 IST

పాల దంతాలపై శ్రద్ధ తీసుకుంటున్నారా?

పిల్లల దంతాల విషయం పట్టించుకోకపోతే తర్వాత ఎన్నో సమస్యలు ఎదురవుతాయి.. అందుకే ముందుగానే శ్రద్ధ చూపించాలి.
రోజూ రెండు పూటలా బ్రష్‌ చేయించాలి. లేకపోతే పళ్లలో క్రిముల వల్ల ఇతర ఆరోగ్య సమస్యలు తలెత్తే అవకాశం ఉంది. అందుకే అల్పాహారానికి ముందు, భోజనం తర్వాత తప్పనిసరిగా బ్రష్‌ చేయించండి.
* బ్రష్‌ చేయడం అయ్యాక మర్చిపోకుండా నాలుకనూ శుభ్రం చేయించండి. నోటి దుర్వాసనకు కారణమయ్యే బ్యాక్టీరియా నాలుక పైభాగాన ఉంటుందని మర్చిపోవద్దు.
* అన్నం తిన్న తర్వాత పిల్లలను నోరు పుక్కిలించమనాలి. ఏవైనా ఆహార పదార్థాలు నోటిలో ఉండిపోతే తొలగిపోతాయి. ఇంకా పళ్ల మధ్య ఇరుక్కుపోయి రాకపోతే బబుల్‌గమ్‌ ఇచ్చి నమలమనండి. పిల్లలు ఇష్టంగానే నములుతారు కాబట్టి పళ్లలో మిగిలిన పదార్థాలు సులువుగా వచ్చేస్తాయి.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి