ఆపద్బాంధవి..ఆటో సునీత
close
Published : 28/05/2021 01:00 IST

ఆపద్బాంధవి..ఆటో సునీత

ఆటో నడపడంలో తొమ్మిదేళ్ల అనుభవం.. ఆమెకు ఓ అవకాశాన్ని తెచ్చిపెట్టింది. అది.. కొవిడ్‌ రోగులను ఆసుపత్రులకు చేర్చడం. దాన్ని ఆమె బాధ్యతగా తీసుకుంది. సంబంధిత మెలకువలను నేర్చుకుని మరీ.. సేవకు సిద్ధమైంది. ఆమే 42 ఏళ్ల సునీత.
సునీతది కేరళలోని కొచ్చి. కేపీ వాలన్‌ రోడ్‌లోని ఆటోరిక్షా స్టాండ్‌ నుంచి ఆటోను గత తొమ్మిదేళ్లుగా నడుపుతోంది. కొచ్చి సంస్థ ఓ జర్మన్‌ సంస్థతో కలిసి ‘ఆటోరిక్షా అంబులెన్స్‌’ విధానానికి శ్రీకారం చుట్టింది. ఇందుకు 18మంది డ్రైవర్లను వాలంటీర్లుగా ఎంపిక చేసింది. వారిలో సునీత ఒక్కరే మహిళా డ్రైవర్‌. సునీతకు ఇక్కడి రోడ్లపై అవగాహన ఉండటమూ ఇందుకు కారణం. ‘ఇది తేలికైన పని కాదని తెలుసు. కానీ.. నా వంతుగా నేను చేయగలిగిన సేవ ఇదే. అందుకే వెంటనే ఒప్పేసుకున్నా’ అంటోంది సునీత.

ఇందులో భాగంగా ఆమె నిపుణులు, డాక్టర్ల నుంచి ప్రత్యేక శిక్షణనూ తీసుకుంది. కొవిడ్‌ బాధితులతో పనిచేయడం, పీపీఈ ఎక్విప్‌మెంట్‌ను ధరించడం, ఇతర రక్షణపరమైన అంశాలపై ఈ ట్రైనింగ్‌ సాగింది. వారిని ఆసుపత్రులకు తీసుకెళ్లడం, మధ్యలో అవసరమైన మందులు అందించడం, ఆక్సిజన్‌, శరీర ఉష్ణోగ్రతలను నమోదు చేయడంతోపాటు వైద్యసిబ్బందిని రోగుల ఇళ్లకు తీసుకెళ్లడం లాంటివీ చేయాల్సి ఉంటుంది. ఆమె నిర్ణయాన్ని మేయర్‌ సహా చాలామంది సోషల్‌ మీడియా వేదికగా మెచ్చుకుంటున్నారు. ‘ఎంతోమంది తమ ప్రాణాలను పణంగా పెట్టిమరీ రోగుల ప్రాణాలు కాపాడుతున్నారు. నేను ఆటోరిక్షా అంబులెన్స్‌ డ్రైవర్‌గా వారికి తోడుగా... కొవిడ్‌కి వ్యతిరేకంగా పనిచేస్తా’ అంటోంది సునీత. ఎండా, వానా లేకుండా ప్రయాణికులను ఎలా గమ్యానికి తీసుకెళ్తామో.. అలాగే ఇప్పుడు మరింత బాధ్యతతో కొవిడ్‌ బాధితులను ఆసుపత్రులకు చేరుస్తామంటోంది. మనమూ తన ప్రయత్నాన్ని అభినందిద్దాం.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి