డబుల్‌ చిన్‌ తగ్గిద్దామా
close
Published : 28/05/2021 01:02 IST

డబుల్‌ చిన్‌ తగ్గిద్దామా

సాధారణంగా ఊబకాయుల్లో కొవ్వు పెరిగి డబుల్‌ చిన్‌ వస్తుంది. వయసు పెరగడం వల్ల కూడా రావొచ్చు. అవి కాక మనం చేసే కొన్ని పొరపాట్ల వల్లా ఇలా వస్తుంది. దీన్ని తగ్గించుకోవడమెలాగో చూద్దాం...
మొదట మ్యాట్‌పై నిటారుగా కూర్చోవాలి. ఇప్పుడు తలను ఎడమ వైపు తిప్పి, ఓ పదిసెకన్లు ఆగి, మళ్లీ యథాస్థానానికి రావాలి. అలాగే కుడి వైపూ చేయాలి. ఇప్పుడు తలను కిందకు వంచి వీలైనంత వరకు కుడి వైపునకు ఓసారి... ఎడమ వైపునకు మరోసారి తిప్పాలి. ఇప్పుడు మామూలు స్థితికి రావాలి. ఇలా రెండు మూడుసార్లు చేసి విరామం తీసుకోవాలి. ఇప్పుడు మెల్లగా తలను పైకెత్తుతూ మొత్తం వెనక్కి వంచాలి. ఈ స్థితిలో ఉంటూ నోరు తెరుస్తూ, మూస్తూ ఉండాలి... ఇలా పదిసార్లు చేయాలి. ఆ తర్వాత మామూలు స్థితికి వచ్చేయాలి. ఇప్పుడు తలను కుడివైపునకు కాస్త ఎత్తులో తిప్పి నోటిని తెరుస్తూ మూస్తూ పదిసార్లు చేయాలి. ఇది చూడటానికి కాస్త వింతగా కనిపించినా ఫలితం మాత్రం బాగుంటుంది. ఆ తర్వాత పూర్వపు స్థితికి రావాలి. ఇప్పుడు రెండో వైపు కూడా ఇలానే చేయాలి. ఇది చేశాక మాములు పొజిషన్‌కు వచ్చేయాలి. రోజూ ఇలా చేయడం వల్ల చుబుకంలో పేరుకుపోయిన కొవ్వు కరుగుతుంది. ఈ వ్యాయామాన్ని ప్రయత్నించి చూడండి మరి.



ఎండ కారణంగా చర్మం కమిలిపోతే అక్కడ వెనిగర్‌లో ముంచిన పేపర్‌ టవల్‌ను ఉంచండి. ఉపశమనం ఉంటుంది. దీనిలోని అసెటిక్‌ యాసిడ్‌ కమిలిన చోట కలిగే నొప్పీ, దురదనూ తగ్గిస్తుంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి