నా భర్తకు ముందే పెళ్లయ్యింది
close
Updated : 30/05/2021 11:03 IST

నా భర్తకు ముందే పెళ్లయ్యింది

నాకు పెళ్లయ్యి మూడేళ్లయ్యింది. మాది పెద్దలు కుదిర్చిన వివాహం. అయితే ఈ మధ్య మా వారు చదువుకునేటప్పుడు ఓ అమ్మాయిని ప్రేమించి రిజిస్టర్‌ వివాహం చేసుకున్నారని తెలిసింది. ఆ అమ్మాయి వచ్చి తనకూ ఇప్పుడే నన్ను మరో పెళ్లి చేసుకున్న విషయం తెలిసిందని, మా పెళ్లి చెల్లదని గొడవపడింది. ఇదంతా చూస్తుంటే భయమేస్తోంది. నాకు న్యాయం జరిగేదెలా?

  - ఓ సోదరి

మీ పెళ్లికి ముందే అతడు మరో అమ్మాయిని రిజిస్టర్‌ మ్యారేజ్‌ చేసుకున్నాడు అంటున్నారు. అలా జరిగిన పెళ్లి చట్టప్రకారం చెల్లుతుంది. హిందూ వివాహచట్టంలోని సెక్షన్‌ ఐదు ప్రకారం వివాహ నిబంధనలలో మొదటిది... పెళ్లి జరిగే సమయానికి అతడు/ఆమె వివాహితులు కాకూడదు. ఒకవేళ అయినా అప్పటికే విడాకులు తీసుకుని ఉండాలి. అలాకాకుండా మరో పెళ్లి చేసుకుంటే సెక్షన్‌ 11 ప్రకారం దాన్ని చట్టం గుర్తించదు. ముందు మీరు అతని ద్వారా ఎలాంటి హక్కులు కావాలనుకుంటున్నారో నిర్ణయించుకోండి. మీరిద్దరూ కలిసి జీవిస్తున్నారు కాబట్టి పుట్టబోయే పిల్లలకు కూడా తండ్రి ఆస్తిలో వాటా అతడి తదనంతరం దక్కుతుంది. మీరు మెయింటెనెన్స్‌కు, భరణానికి అర్హులవుతారు. మీకు అతని జీతంలో  లేదా ఆస్తిలో భాగం కావాలనుకుంటే కోర్టు ద్వారా మెయింటెనెన్స్‌ ఆర్డర్‌ పొందవచ్చు. అతడు మొదటి భార్య నుంచి విడాకులు తీసుకున్నా... మీ పెళ్లి చట్టబద్ధం కాదు. అందుకు రిజిస్టర్‌ మ్యారేజ్‌ చేసుకుని చెల్లుబాటు చేసుకుంటే మంచిది. కాబట్టి అతను విడాకులు తీసుకుని మీ బంధాన్ని చట్టబద్ధం చేసుకోవాల్సిందే. ఏదైనా అతడు ఎలాంటి నిర్ణయం తీసుకుంటాడనే దాని మీద ఆధారపడి ఉంటుంది. ఆలోచించి నిర్ణయం తీసుకోండి.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి