ఈ చిన్నదాని ఆదాయం రూ.400కోట్లు!
close
Published : 28/05/2021 01:16 IST

ఈ చిన్నదాని ఆదాయం రూ.400కోట్లు!

గడిచిన  ఏడాది కాలంలో దాదాపు 400 కోట్ల రూపాయల ఆదాయం అందుకుని... అరుదైన ఘనతని సొంతం చేసుకుంది టెన్నిస్‌ క్రీడాకారిణి నవోమీ ఒసాకా. అవును.. ఇంతవరకూ అంత మొత్తంలో సంపాదించిన క్రీడాకారిణులు లేరట. ఇందులో మ్యాచు ఫీజుగా వచ్చేది రూ. 38కోట్లే. తక్కినదంతా తను మోడల్‌గా వ్యవహరిస్తోన్న అంతర్జాతీయ ఫ్యాషన్‌ సంస్థల నుంచే అందుకొంటోంది. లూయిస్‌ఉయిటాన్‌, నైక్‌, లెవీస్‌ వంటి పాతికకు పైగా అంతర్జాతీయ సౌందర్య, ఆహార సంస్థలకు నవోమి బ్రాండ్‌ అంబాసిడర్‌ మరి.
ఒక్క నైక్‌ సంస్థే ఏడాదికి 72కోట్ల రూపాయలు చెల్లిస్తోంది. జపాన్‌ నుంచి ప్రాతినిధ్యం వహిస్తున్న 23 ఏళ్ల నవోమికి చిన్నప్పుడు సెరెనా, వీనస్‌ విలియమ్‌ సిస్టర్స్‌ అంటే అపారమైన అభిమానం. వాళ్ల స్ఫూర్తితోనే మూడేళ్ల వయసులో టెన్నిస్‌లో అడుగుపెట్టిన నవోమి సెరెనా విలియమ్స్‌పైనే విజయం సాధించడం విశేషం. ఇప్పటి వరకూ నాలుగుసార్లు గ్రాండ్‌స్లామ్‌ టైటిళ్లను గెలుచుకుంది. ఈమె సంపాదించడంలోనే కాదు... పెట్టుబడులు పెట్టడంలోనూ దిట్టే. గత సంవత్సరం నార్త్‌కరోలినా విమెన్స్‌ సాకర్‌లీగ్‌ ఓనర్‌షిప్‌ని సొంతం చేసుకుంది. కిన్లో పేరుతో సౌందర్య ఉత్పత్తులని తయారుచేస్తోంది. ప్రత్యేక స్విమ్‌వేర్‌ కలెక్షన్‌నీ అందిస్తూ వ్యాపారరంగంలోనూ దూసుకుపోతోంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి