నీళ్లే కదా అనుకుంటే..
close
Published : 31/05/2021 00:17 IST

నీళ్లే కదా అనుకుంటే..

కొందరు తగినన్ని మంచి నీళ్లు తాగరు. మరికొందరు.. ఏదో పనిలో పడి నిర్లక్ష్యం చేస్తుంటారు. ఇంకొందరు బాగానే తాగుతున్నాంగా అనుకుంటారు. నీళ్లు తాగకపోవడం చిన్నసమస్య ఏమీకాదు. ఎన్నో అనారోగ్యాలకు ఇదే ప్రధాన కారణం.
యాక్నె: మొటిమల కంటే పెద్ద పరిమాణంలో గడ్డలు ముఖమంతా కనిపిస్తున్నాయా? మీ శరీరంలో నీళ్లు తగ్గాయని వాటి అర్థం. మంచి నీళ్లు తగినన్ని తాగేవారిలో ఈ మొటిమలు, యాక్నె వంటి సమస్యలుండవు.
కళ్ల కింద ముడతలు: ముఖమంతా కమిలిపోయి, కాంతిని కోల్పోయి ఉంటుంది. ముఖ్యంగా కళ్ల కింద ముడతలు, వాపు ఉన్నాయంటే దానర్థం మీ ఒంట్లో నీటిశాతం తగ్గిందని. ముక్కు ఎర్రబడి, పొడిగా ఉన్నా నీటిలోపం ఉన్నట్టే. రోజంతా మత్తుగా, అలసటగా అనిపించడమూ దీని లక్షణమే.

దురదగా: మీరు మంచినీటి విషయంలో నిర్లక్ష్యంగా ఉన్నారని మీ జుట్టు తేలికగా చెప్పేస్తుంది. తలంతా చుండ్రుపట్టి, జుట్టు జీవం లేకుండా కనిపిస్తే ఎన్ని నీళ్లు తాగుతున్నారన్న దాని మీద దృష్టి పెట్టండి.
కళ్లు: ఇవి ఆరోగ్యంగా ఉండాలంటే శరీరానికి తగినంత పొటాషియంతోపాటు ఎలక్ట్రోలైట్ల బ్యాలెన్స్‌ కూడా ఉండాలి. ఈ రెండింటినీ అందించేవి మీరు తాగే నీళ్లే!
బరువు తగ్గి: భోజనానికి 20 నిమిషాల ముందు రెండు కప్పుల నీటిని తాగితే బరువు తగ్గాలనుకున్న వారికి ఎంతో మేలు జరుగుతుంది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి