బరువు తగ్గడం కష్టం కాదు!
close
Updated : 03/06/2021 01:54 IST

బరువు తగ్గడం కష్టం కాదు!

నలభై ఏళ్ల వయసు... పెరుగుతోన్న ఆరోగ్య సమస్యలు... తగ్గుతున్న జీవక్రియల రేటు... హార్మోన్లలో హెచ్చుతగ్గులు...  ఇలాంటి సమయంలో మహిళలు బరువు తగ్గడం కాస్త ఇబ్బందే.. అయితే అసాధ్యమేమీ కాదంటున్నారు నిపుణులు..
పండ్లు... కూరగాయలతో.. వీటిలో కెలొరీలు తక్కువగా, పోషకాలు ఎక్కువగా ఉంటాయి. కాబట్టి వీటిని సలాడ్ల రూపంలో తీసుకుంటూ ఉండాలి. వీటిలో పీచూ అధికమే. ఇవి తింటే పొట్ట నిండిన భావన కలిగి ఆకలి వేయదు. ఆహారంలో మాంసకృత్తులు, ప్రొటీన్‌ ఎక్కువగా ఉండేలా చూసుకోవాలి. పాలు, పెరుగు, పప్పులను తీసుకోవాలి.
వేపుళ్లు నో నో! వీటిలో పెద్ద మొత్తంలో కొవ్వులుంటాయి. కాబట్టి వేయించిన పదార్థాలకు దూరంగా ఉండాలి. బదులుగా ఆవిరిపై ఉడికించిన వాటిని తీసుకోవాలి. ఉదాహరణకు బంగాళా దుంప వేపుడు బదులుగా దాన్ని ఉడికించి కూరలా తింటే తక్కువ కెలొరీలు వస్తాయి.
అల్పాహారం అత్యవసరం.. చాలామంది బ్రేక్‌ఫాస్ట్‌ను మానేయడమో లేదా ఆలస్యంగా తీసుకోవడమో చేస్తుంటారు. ఈ రెండూ సరికాదు. సమయానికి సరైన మోతాదులో బ్రేక్‌ఫాస్ట్‌ తప్పక చేయాలి. దీంట్లో మాంసకృత్తులు ఎక్కువగా ఉండేలా చూసుకోవాలి.
రాత్రి భోజనం? రాత్రి పూట ఏ సమయానికి తింటున్నారో... ఏం తింటున్నారో గమనించుకోవాలి. వీలైనంత మటుకు చాలా తేలికగా అరిగే ఆహారానికి ప్రాధాన్యం ఇవ్వాలి. తీపి పదార్థాలకు దూరంగా ఉండాలి.  ఆహారాన్ని బాగా నమిలి మెల్లగా తినాలి. త్వరగా డిన్నర్‌ ముగించాలి. దానికీ, నిద్రకూ మధ్య కనీసం రెండు, మూడు గంటల వ్యవధి ఉంటే మంచిది.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి