కాంతినిచ్చే ఎండు ద్రాక్ష!
close
Published : 03/06/2021 01:28 IST

కాంతినిచ్చే ఎండు ద్రాక్ష!


చర్మంపై టాన్‌ పేరుకోవడానికి బోలెడు కారణాలు. దీన్ని తొలగించుకోవడానికి ఇంట్లో ఉండే పదార్థాలే చాలు. అవేంటో తెలుసుకుందాం...
రెండు చెంచాల బార్లీ పౌడర్‌ని కప్పు నీళ్లల్లో ఉడకబెట్టుకోవాలి. ఆ మిశ్రమానికి రెండు చెంచాల ఎండు ద్రాక్ష గుజ్జు, చెంచా నిమ్మరసం, కొద్దిగా రోజ్‌వాటర్‌ కలిపి పేస్ట్‌లా చేయాలి. ఈ ప్యాక్‌ని తరచూ ముఖానికి వాడుతుంటే... ఎండ కారణంగా నల్లబడిన చర్మం ఉపశమనం పొందుతుంది.
*రెండు చెంచాల పెసరపిండిలో చెంచా సెనగపిండి, చెంచా చొప్పున కీరదోస, ఎండు ద్రాక్ష గుజ్జు, కాస్త పెరుగు వేసి మెత్తగా చేయాలి. దీన్ని ఒంటికి రాసి నలుగులా రుద్దితే... చర్మంపై మృతకణాలు పోతాయి. నలుపు తగ్గుతుంది. ముఖం వన్నెలీనుతుంది.
* నాలుగు ఎండుద్రాక్షలు, ఒక ఎండు ఖర్జూరం నానబెట్టుకుని వాటిని పేస్ట్‌లా చేసుకోవాలి. ఈ మిశ్రమానికి కొద్దిగా నిమ్మరసం చేర్చి ముఖానికి రాస్తే సరి. కళగా కనిపిస్తుంది.



నిద్రపోయే ముందు క్లెన్సర్‌తో ముఖాన్ని తుడిస్తే మురికి తొలగిపోతుంది. ఆపై గంధం రాసుకుంటే... వేసవిలో సాధారణంగా తలెత్తే యాక్నె సమస్యలు ఎదురుకావు.

Tags :

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి