విదేశంలో విడాకులు చెల్లుతాయా?
close
Updated : 05/06/2021 20:05 IST

విదేశంలో విడాకులు చెల్లుతాయా?

నేను ,నా భర్త ఎన్నారైలం. ఇద్దరికీ అమెరికా పౌరసత్వం ఉంది. పెళ్లయినప్పటి నుంచీ ఆయన మానసికంగా, శారీరకంగా నేను తగిన భార్యని కాదంటున్నారు. విడాకులు తీసుకుందామని ఒత్తిడి తీసుకువస్తున్నారు. మేము ఇక్కడ విడాకులు తీసుకుంటే ఇండియాలో చెల్లుతుందా? పిల్లలు నా దగ్గర ఉండే అవకాశముందా? - ఓ సోదరి, న్యూయార్క్‌
మీరు, మీ భర్త యూఎస్‌ పౌరసత్వం తీసుకున్నారు కాబట్టి అక్కడ విడాకులు తీసుకున్నా చెల్లుతుంది. అయితే పెళ్లి భారత్‌లో జరిగింది కాబట్టి మీరిద్దరూ అమెరికా చట్టపరిధిని సమ్మతిస్తేనే... డైవోర్స్‌ మంజూరు అవుతాయి. మీరు ఒప్పుకోకుండా అక్కడ అతను విడాకులు తీసుకోవడం సాధ్యం కాదు. మీకు ఆ దేశ పౌరసత్వం ఉన్నా మీ జన్మస్థలం భారత్‌లోనే కాబట్టి ఇక్కడకు వచ్చి అతని మీద గృహహింస చట్టం కింద ఫిర్యాదు చేయండి. అది తేలేవరకూ అక్కడ విడాకులు తీసుకోవడం కుదరదని కోర్టులు తీర్పు ఇచ్చిన సందర్భాలెన్నో ఉన్నాయి. మనదేశంలోనే కాదు... అమెరికాలోనూ గృహహింసను తీవ్రంగా పరిగణిస్తారు. దాంతో పాటు అతడిపై వరకట్న వేధింపుల కేసునీ వేయండి.  మెయింటెనెన్స్‌తో పాటు పిల్లల కస్టడీ కోరుతూ విడిగా దరఖాస్తు చేసుకోండి. ఈ విషయంలో విదేశీ వ్యవహారాల శాఖ సాయమూ కోరవచ్చు. జాతీయ మహిళా కమిషన్‌కి లిఖిత పూర్వక ఫిర్యాదు చేస్తే వారూ సహకరిస్తారు. ఎంబసీతో మాట్లాడి రక్షణ కల్పిస్తారు. అవసరమైతే న్యాయ సాయం కోసం లాయర్‌నీ ఏర్పాటు చేస్తారు. ముందు ఒక భారతీయ న్యాయవాది/అటార్నీని కలిసి సరైన నిర్ణయం తీసుకోండి. భార్యని హింసిస్తే భారత్‌ అయినా అమెరికాలో అయినా శిక్షార్హులే.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి