మనకోసం మళ్లీ మట్టిళ్లు!
close
Updated : 05/06/2021 20:04 IST

మనకోసం మళ్లీ మట్టిళ్లు!

సొంత ఇల్లు.. ఎంతోమంది కల. దీని కోసం ఎంతో ఖర్చుపెడుతుంటారు. ఆకర్షించే రంగులు, సామాగ్రి, ఫర్నిచర్‌తో అలంకరించేస్తారు. అంత పొందికగా కట్టుకున్నది మన ఆయువుకే ప్రమాదమైతే?
ఇదే ఆలోచనొచ్చింది షగున్‌ సింగ్‌కి! దీంతో ఎంఎన్‌సీ ఉద్యోగానికి స్వస్తి చెప్పి మరీ పర్యావరణహిత ఇళ్లపై దృష్టిపెట్టింది. దీనికోసం ప్రత్యేక శిక్షణ తీసుకుంది. వ్యవసాయ వ్యర్థాలు, మట్టి, ఆవుపేడ, లైమ్‌లతో వీటిని నిర్మిస్తోంది. ‘గీలీ మట్టి’ పేరిట ఫౌండేషన్‌ ఏర్పాటు చేసి నిర్మాణంతోపాటు ఏటా 120 మందిని ఎంపిక చేసి తయారీలో శిక్షణనూ ఇస్తోంది. వీటిని చూడాలనుందా? అయితే ఉత్తరాఖండ్‌లోని నైనిటాల్‌ దగ్గర మహ్రోరా గ్రామానికి వెళ్లాల్సిందే. అన్నట్టూ ఆధునిక సౌకర్యాలన్నీ వీటిలోనూ ఉంటాయి. రోజుల వ్యవధిలోనే పూర్తవుతాయి.
ఈ ఇళ్లు స్వచ్ఛమైన గాలిని అందించడంతోపాటు భూకంపాలకూ దీటుగా నిలుస్తున్నాయట. ఇందుకోసం ఎర్త్‌ బ్యాగ్‌ అనే ప్రత్యేక టెక్నిక్‌ను ఉపయోగించడమే ఇందుకు కారణం.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి