కాళ్లకి వెనిగర్‌ రక్షణ
close
Published : 06/06/2021 00:28 IST

కాళ్లకి వెనిగర్‌ రక్షణ

చర్మ రక్షణలో కాళ్లకి ప్రాధాన్యమిచ్చేవారు అరుదు. కానీ వేసవిలో చెమట పాదాలపైనా ప్రభావం చూపిస్తుంది. ఫలితంగా ఎన్నో సమస్యలు. వాటన్నింటికీ వెనిగర్‌తో చెక్‌ పెట్టేయొచ్చు. అదెలానో చూడండి...
షూ వేసుకునే అలవాటున్న కొందరిలో సాక్సు విప్పగానే దుర్వాసన వస్తుండటం గమనించే ఉంటారు. చెమటతో బాక్టీరియా కలవడమే ఇందుకు కారణం. వెనిగర్‌.. బ్యాక్టీరియా, ఫంగైలకు వ్యతిరేకంగా పనిచేస్తుంది. చల్లటి నీటిలో పావు కప్పు వెనిగర్‌ వేసి, పాదాలను 5 నిమిషాలు అందులో ఉంచండి. ఇలా తరచూ చేస్తుంటే ఈ సమస్య నుంచి బయటపడొచ్చు.
* పొడిబారిన పాదాలు, పగుళ్లు నొప్పి, దురదలకు కారణమవుతాయి. వెనిగర్‌లో ఉండే యాసిడ్లు పాదాలకు తేమతోపాటు మృదుత్వాన్నీ అందిస్తాయి. పగుళ్లకూ ఇది మందు.
* కొందరిలో చెమట కారణంగా కాలి వేళ్లమధ్య ఇన్ఫెక్షన్లు, చిన్న కురుపుల్లాంటివి వస్తుంటాయి. వెనిగర్‌లోని యాంటీ ఫంగల్‌ ఇందుకు చక్కగా పనిచేస్తుంది. గ్లాసు నీటిలో పావు కప్పు వెనిగర్‌ను కలిపి దూదితో సమస్య ఉన్నచోట రాసుకుంటే చాలు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి