Corona: కొవిడ్‌ నుంచి కోలుకున్నాక..
close
Updated : 06/06/2021 06:38 IST

Corona: కొవిడ్‌ నుంచి కోలుకున్నాక..

కరోనాకు హోం ఐసోలేషన్‌ ద్వారా చికిత్స తీసుకుంటున్నవారే ఎక్కువ. కానీ కోలుకున్న తర్వాత వారున్న గదినీ, వాడిన వస్తువులనూ తప్పక శుభ్రం చేయాలంటున్నారు నిపుణులు. అదెలాగంటే..
* 20 లీటర్ల నీటిలో రెండు, మూడు టేబుల్‌ స్పూన్ల బ్లీచింగ్‌ పౌడర్‌ను కలపాలి. దానిని ఒక స్ప్రే బాటిల్‌లో పోసి రోగి ఉన్న గదినిండా చల్లాలి. దాన్ని కొన్ని రోజులపాటు వాడకుండా ఉంటే మంచిది. మంచాన్ని డెటాల్‌తో ముంచిన గుడ్డతో తుడవాలి. ప్లాస్టిక్‌ కుర్చీలను డిస్‌ఇన్ఫెక్టెంట్‌ లిక్విడ్‌ స్ప్రే చేసి, ఎండలో ఉంచొచ్చు.
* వారు ఉపయోగించిన బట్టలు, కర్టెన్లు, దుప్పట్లను నేరుగా వాషింగ్‌ మెషిన్‌లో ఉతికేయొద్దు. వేడి నీటిలో గంటపాటు నానబెట్టి, ఆపై ఉతికి, ఎండలో ఆరేయాలి. గది గడియలు, నాబ్‌లు, ట్యాప్‌లు, డోర్లను డెటాల్‌ లేదా సబ్బు నీటితో శుభ్రం చేయాలి.
* ఆ సమయంలో ఉపయోగించిన మాస్క్‌లు, టూత్‌ బ్రష్‌, టంగ్‌ క్లీనర్‌, సబ్బులు, గ్లౌజులు మొదలైనవి తీసేయడం మేలు. గ్యాడ్జెట్లు, ఇయర్‌ఫోన్‌, చార్జర్‌, మౌస్‌లనూ తప్పక శుభ్రపరచాలి. గ్యాడ్జెట్‌ కవర్లను శుభ్రపరచడం కంటే తీసేయడం మేలు.
* ఈ సమయంలో గ్లౌజులు, తలకు క్యాప్‌ ధరించడం మర్చిపోవద్దు. శుభ్రం చేయడానికి ఉపయోగించిన వస్త్రాలు, స్క్రబ్‌లు మొదలైనవాటిని కవర్‌లో ఉంచి, సీల్‌ చేసి పడేయాలి. పూర్తయ్యాక చేతులు తప్పక శానిటైజ్‌ చేయాలి. ఆపై స్నానం చేసేయాలి. వేసుకున్న బట్టలను వేడినీటిలో నానబెట్టి, ఉతికేయాలి. ఇప్పుడు ఎన్నో సంస్థలూ కొంత మొత్తం తీసుకుని హోం శానిటైజేషన్‌ చేసిపెడుతున్నాయి. వాటి సాయమూ తీసుకోవచ్చు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి