పాపకి తెల్లవెంట్రుకలు!
close
Published : 06/06/2021 00:35 IST

పాపకి తెల్లవెంట్రుకలు!

మా పాప వయసు మూడేళ్లు. తలలో రెండు, మూడు తెల్ల వెంట్రుకలు కనిపిస్తున్నాయి. ఇదేమైనా సమస్యా? తగ్గించగల మార్గమేమైనా ఉందా?

- ఓ సోదరి, బోధన్‌

పిల్లల్లో కొన్ని వెంట్రుకల్లో మెలనిన్‌ పిగ్మెంట్‌ తక్కువగా ఉంటుంది. అలాంటి వారిలో తెల్ల వెంట్రుకలు కనిపి స్తుంటాయి. పిగ్మెంట్‌ మరీ తక్కువగా ఉంటే ఇంకా పెరిగే అవకాశమూ ఉంటుంది. ఇది వంశ పారంపర్యంగానూ వస్తుంది. పాప ఆరోగ్యం బాగుంటే కంగారుపడక్కర్లేదు. పేను కొరుకుడు పిల్లల్లో ఎక్కువగా చూస్తుంటాం! వాళ్లలో ప్యాచ్‌లుగా జుట్టు ఊడుతుంటుంది.  కొన్నిసార్లు అది తెల్లగా వస్తుంటుంది. విటమిన్‌ బి12 తగ్గినా ఈ సమస్య ఉంటుంది. ఇది చేపలు, మాంసం, పాలు, గుడ్లలో ఎక్కువగా ఉంటుంది. వీటిని బాగా ఇవ్వాలి. థైరాయిడ్‌ ఉందేమో కూడా చూసుకోవాలి. పిల్లల్లో కొంతమందిలో బొల్లి వస్తుంటుంది. ఇలాంటి వారిలోనూ తెల్లజుట్టు సమస్య ఉంటుంది. కానీ ఇది చాలా తక్కువ సందర్భాల్లోనే. ట్యూటరస్‌ క్లిరోసిస్‌, న్యూరో ఫైబ్రమాటోసిస్‌ వంటివీ వంశపారంపర్య వ్యాధులూ కారణమవుతాయి. ఫిట్స్‌, ట్యూమర్స్‌, వినికిడి సరిగా లేకపోవడం.. వంటివి ఇతర లక్షణాలు. ఇలాంటివేమీ కనిపించనప్పుడు కంగారుపడక్కర్లేదు.

రసాయనాలుండే షాంపూలను వాడొద్దు. పొగతాగే అలవాటున్నవాళ్ల వల్ల కూడా ఇది కనిపిస్తుంటుంది. వారికి దూరంగా ఉంచాలి. జంక్‌ఫుడ్‌, చాక్లెట్లు, కూల్‌డ్రింక్స్‌ ఎక్కువగా తీసుకునే వాళ్లలోనూ ఈ సమస్య కనిపిస్తుంటుంది. 100 మి.లీ కొబ్బరినూనెలో గుప్పెడు కరివేపాకు వేసి వేడిచేసి, గోరువెచ్చగా తలకు పట్టిస్తే జుట్టు నల్లబడుతుంది. కప్పు కొబ్బరినూనెకు రెండు టేబుల్‌ స్పూన్ల ఉసిరిపొడి, ఒక టేబుల్‌ స్పూన్‌ మెంతిపొడి కలిపి వేడిచేసి పెట్టొచ్చు. కప్పు నువ్వుల నూనెకు క్యారెట్‌ రసం, మెంతిపొడి కలిపి వేడిచేసి తలకు పెట్టినా ఫలితం ఉంటుంది. పిల్లల ఆహారంలో యాంటీ ఆక్సిడెంట్స్‌, నికోటినమైన్‌, జింక్‌, కాపర్‌, ఐరన్‌ ఉండేలానూ చూసుకోవాలి.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి