పాదాలకు వ్యాయామం!
close
Published : 08/06/2021 00:30 IST

పాదాలకు వ్యాయామం!

సన్నబడాలనో, పొట్ట తగాలనో... రకరకాల వ్యాయామాలు చేస్తుంటాం. మరి పాదాల ఆరోగ్యం గురించి మాత్రం పట్టించుకోం. వీటికి సంబంధించిన కొన్ని చిన్నపాటి వ్యాయామాలను చూద్దామా...

కొవిడ్‌తో మారిన జీవనశైలి... మహిళలకు పనిభారాన్ని పెంచేసింది. వంట, అంట్లు తోమడం, వాషింగ్‌ మెషిన్‌లో దుస్తులు వేయడం, ఇల్లు శుభ్రం చేయడం... ఇలా  దాదాపు అన్ని పనులూ ఎక్కువ సేపు నిలబడే చేయాల్సి రావడం వల్ల  కాళ్లపై భారం పడుతోంది. ఇలాంటప్పుడు కొన్ని వ్యాయామాలు చేస్తూ కాళ్లు, వేళ్లు, పాదాలకు సాంత్వన కలిగించవచ్చు.

కాలివేళ్లు...

* కుర్చీపై కూర్చొని కాలి కింద తువాలును పరవాలి. ఇప్పుడు దాన్ని కాలి వేళ్లతో లాగాలి. రెండు కాళ్లతో అయిదారుసార్లు చేయాలి. ఇలా చేయడం వల్ల కాలి కండరాలు బలంగా మారతాయి. కాలివేళ్లు సౌకర్యంగా ఉంటాయి.
* కుర్చీలో నిటారుగా కూర్చొని పాదాలను నేలపై సమాంతరంగా పెట్టాలి. ఇప్పుడు నెమ్మదిగా పాదాన్ని నేలకు ఆనించి వేళ్లను మెల్లిగా పైకి లేపాలి. ఇలా అయిదారు సార్లు చేయాలి.

బంతాట!

కుర్చీలో నిటారుగా కూర్చోవాలి. టెన్నిస్‌ బంతిని పాదం కింద పెట్టి ముందుకు వెనక్కి  రెండు నిమిషాల పాటు జరపాలి. రెండోకాలితోనూ చేయాలి. దీనివల్ల కాలివేళ్లతో పాటు పాదానికీ సాంత్వన లభిస్తుంది. కావాలంటే బంతిపై పాదంతో మరికాస్త ఒత్తిడిని పెంచొచ్చు.

కండరాలకు సాంత్వన..

కుర్చీలో కూర్చొని ఒక కాలిని మరోకాలి మోకాలిపై పెట్టాలి. కాలివేళ్లను చేత్తో పట్టుకుని పెద్దవేలి వైపునకు వంచాలి. ఇలా చేయడం వల్ల పాదం, కాలి మడమల దగ్గర ఫ్లెక్సిబుల్‌గా మారి హాయిగా ఉంటుంది. మరోకాలితోనూ చేయడం మరవొద్దు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి