పింక్‌బూత్‌లు!
close
Published : 09/06/2021 00:39 IST

పింక్‌బూత్‌లు!

కొవిడ్‌ మహమ్మారి నుంచి ప్రజలను కాపాడటానికి ప్రభుత్వాలు వ్యాక్సిన్‌నే ఆయుధంగా ఎంచుకున్నాయి. అందులో ఉత్తర్‌ప్రదేశ్‌ రాష్ట్ర ప్రభుత్వం ఓ అడుగు ముందుకు వేసి మహిళల వ్యాక్సినేషన్‌ కోసం రాష్ట్రంలోని 75 జిల్లాల్లో 150 పింక్‌ బూత్‌లను ప్రత్యేకంగా ఏర్పాటు చేసింది.
ప్రతి జిల్లాలో మహిళల కోసం రెండు రకాల పింక్‌ బూత్‌లు పనిచేస్తున్నాయి. ఒకటి 18 - 44 ఏళ్ల మహిళల కోసం, మరొకటి 45, ఆపై వయసు వారి కోసం కేటాయిస్తున్నారు. ఈ శిబిరాలను జిల్లా మహిళా ఆసుపత్రులు, జిల్లా ఉమ్మడి ఆసుపత్రుల్లో ఏర్పాటు చేశారు. అవసరమైతే ఇలాంటి శిబిరాలను తాలూకాల్లోనూ ఏర్పాటు చేసుకోవచ్చని ప్రభుత్వం ఉత్తర్వులు జారీ చేసింది. ఉత్తర్‌ప్రదేశ్‌ ప్రభుత్వం ఇంతకు ముందు మహిళల కోసం పింక్‌ స్టేషన్‌లను కూడా ఏర్పాటు చేసింది. వీటిలో సిబ్బంది మొత్తం మహిళా పోలీసులే కావడం విశేషం.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి