మీకోసమే.. ఆ సమయం!
close
Published : 09/06/2021 00:43 IST

మీకోసమే.. ఆ సమయం!

భార్యాభర్తలు ఇద్దరూ ఉద్యోగం చేస్తుంటే... ఇంటి పనులు, వ్యక్తిగత సమయం కేటాయించుకునే  వరకూ ప్రణాళికాబద్ధంగా లేకపోతే రుసరుసలు తప్పవు. ఆ వాదనలు కాస్తా ముదిరితే ఇంటి వాతావారణం    దెబ్బతింటుంది. అలాకాకూడదంటే...
* ఇద్దరూ వేర్వేరు షిప్ట్‌ల్లో వెళ్తున్నాం.... ఇంటికొచ్చాక అలసట. దాంతో ముఖాలు చూసుకునే తీరిక కూడా ఉండట్లేదు అంటారు కొందరు. అదే మీ ఇబ్బంది అయితే వీలైతే మీ ఇద్దరి వారాంతపు లవు ఒకే రోజు ఉండేలా చూసుకోండి. కానీ చాలామందిలా మీరూ ఆ రోజుని విశ్రాంతి దినంగా భావించొద్దు. పనులు, నిద్ర అన్నీ పూర్తిచేసుకున్నాక మీ కోసం మీరు ఓ గంటా రెండు గంటలు కేటాయించుకోండి. కుదరకపోతే నెలకోసారైనా ఒకరి వారాంతం రోజున మరొకరు సెలవు పెట్టుకుని కలిసి గడపండి. ఆ సమయంలో బయట విషయాల కంటే ఇద్దరికీ సంబంధించిన అంశాలను మాత్రమే చర్చించుకుంటే అభద్రత దరిచేరదు.
* ఇంటి పనులు, ఆర్థిక విషయాల్లో ఒక్క మాటమీద నడిస్తే మేలు. బాధ్యతల్ని పక్కవారి మీదకు నెట్టే ప్రయత్నం చేయొద్దు. పనులు విభజించుకుని పంచుకోండి. ఎవరిపనులు వారు చేస్తే మరొకరి మీద భారం పడదు. అలానే పదే పదే ఎదుటివారి పనుల్లో లోపాల్ని ఎత్తిచూపడం సరికాదు. వీలైతే... వాటిని పరిహరించడానికి మీవంతు సాయం చేయండి. ఇవన్నీ మీ జీవితం చక్కగా సాగిపోవడానికి సాయపడతాయి.
* జీవనశైలిపై ఇప్పుడు ఎలక్ట్రానిక్‌ గ్యాడ్జెట్స్‌ ఎక్కువగా ప్రభావం చూపిస్తున్నాయి. వాటితో చాలా సమయమే వృథా అవుతుంది. అందుకే మీరు కలిసి ఉన్న సమయంలో ఓ గంట ఫోన్లను ఆఫ్‌ చేయండి. పూర్తిగా ఆఫ్‌ చేయలేకపోతే సైలెంట్‌లో పెట్టండి. సోషల్‌ నెట్‌వర్కింగ్‌ సైట్లకు దూరంగా ఉండండి. అప్పుడు కచ్చితంగా భాగస్వామి కోసం నాణ్యమైన సమయాన్ని కేటాయించగలరు. అలానే ఆ సమయాన్ని కలిసి వ్యాయామం చేయడానికో, తోటపని చేయడానికో వాడితే సంతోషంగానూ ఉండగలరు.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి