రసాలతో మిలమిల!
close
Published : 10/06/2021 00:19 IST

రసాలతో మిలమిల!

పండ్ల రసాల వల్ల బోలెడు లాభాలు. ఇవి యాంటీ ఏజింగ్‌ ఫ్యాక్టర్స్‌లా పనిచేసి చర్మాన్ని మెరిపిస్తాయి. మరప్పుడు అందం మీ సొంతమే కదా!
క్యారెట్‌, నిమ్మతో.. క్యారెట్‌లో ఎన్నో విటమిన్లుంటాయి. ఈ రసాన్ని క్రమం తప్పక తీసుకోవడం వల్ల చర్మం మిలమిలా మెరుస్తుంది. దీంట్లోని విటమిన్‌-ఎ సహజ యాంటీ ఆక్సిడెంట్‌లా పనిచేస్తుంది. ఇది వృద్ధాప్య ఛాయలను, పిగ్మెంటేషన్‌ ప్రక్రియలను అడ్డుకుంటుంది.
ఎలా చేసుకోవాలంటే... క్యారెట్‌ ముక్కలను బ్లెండర్‌లో వేసి మెత్తగా చేసుకోవాలి. ఓ పాత్రలో కప్పు నీళ్లు పోసి మరిగించి పక్కన పెట్టుకోవాలి. మీరు మెత్తగా చేసిన క్యారెట్‌ ప్యూరీని ఈ వేడి నీటిలో కలపాలి. దీంట్లో చెంచా నిమ్మరసం కలిపి తీసుకోవాలి. ఇలా క్రమం తప్పక తాగితే చర్మం కాంతిమంతంగా మారుతుంది.
దానిమ్మ, పుదీనా రసంతో.. ఇది తక్షణ శక్తినిచ్చే పండు. అంతేకాదు చర్మాన్ని మెరిపిస్తుంది కూడా. ఇందులో విటమిన్‌-సి, కె, యాంటీ ఏజింగ్‌ సమ్మేళనాలు మెండు. ఇవి కణాల పునరుత్పత్తిలో పాలుపంచుకుంటాయి. దాంతో చర్మం మెరుస్తుంది. ఒక కప్పు దానిమ్మ గింజలను మిక్సీలో వేసి మెత్తగా తిప్పాలి. ఇప్పుడీ ద్రవాన్నీ స్ట్రెయినర్‌ ద్వారా వడకట్టాలి. దీంట్లో కొన్ని పుదీనా ఆకులు వేసుకోవాలి. ఈ పండ్ల రసాన్ని రోజూ తీసుకుంటే ఆరోగ్యం, అందం రెండూ మీ సొంతమవుతాయి.  

 

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి