Covid: ధైర్యం నింపే ‘కొవిడ్‌మీల్స్‌’
close
Updated : 10/06/2021 07:31 IST

Covid: ధైర్యం నింపే ‘కొవిడ్‌మీల్స్‌’

కరోనా రోగులు, వారికి సేవలందిస్తోన్న వైద్యులు తదితరులు వేళకు తిండి దొరక్క బాధ పడకూడదని తపిస్తోన్న కరుణామయి ఆమె...
బెంగళూరు యువతి స్నేహ వచ్చనే ‘మేక్‌ మై ట్రిప్‌’ ట్రావెల్‌ కంపెనీలో పెద్ద హోదాలో ఉంది. కరోనా వల్ల ఇప్పుడది ఆగింది. ఈ ఆపత్కాలంలో సమయాన్ని ఏదైనా మంచి పనికి వినియోగించాలనుకుంది. ఒక ఫ్రెండ్‌తో కలిసి ‘కొవిడ్‌ మీల్స్‌.ఇన్‌’ వెబ్‌సైట్‌ ఆరంభించింది. వండేందుకు, సప్లయ్‌ చేసేందుకు వాలంటీర్లు కావాలని ప్రకటించింది. దరఖాస్తులను బట్టి కొందరిని ఎంపిక చేసుకుంది. ఆహారం శుచిగా, రుచిగా, పోషకాలతో, రోగనిరోధకశక్తిని పెంచేలా ఉండాలని నిబంధన పెట్టుకుంది. ‘బెల్లందూర్‌ పరిసరాల్లోని కొవిడ్‌ పేషెంట్లు, ఫ్రంట్‌లైన్‌ వర్కర్ల కోసం ఇంటి భోజనం సిద్ధం చేస్తా’నంటూ ఇన్‌స్ట్టాగ్రామ్‌లో పోస్ట్‌ పెట్టింది. చాలామంది ఆమెని సంప్రదించారు. అభ్యర్థనల వెల్లువ మొదలైంది. కొన్ని రోజుల్లోనే అభ్యర్థనల సంఖ్య ఊహాతీతంగా పెరిగింది. ఆమె స్నేహితులూ డబ్బు, సరకులు పంపసాగారు. ఇంతలో స్నేహ వాళ్ల కాలనీని ‘కంటెయిన్‌మెంట్‌ జోన్‌’గా ప్రకటించారు. ఆ అపార్ట్‌మెంట్‌కు రాకపోకలు ఆపేశారు. బాధగా ఉన్నా చేసేదేమీ లేక ఓ వారం వంటలు ఆపేసింది. ఈలోపు ‘ఇడ్లీస్‌ అన్‌లిమిటెడ్‌’ అనే హోటల్‌ నడిపే వ్యక్తికి కొవిడ్‌ మీల్స్‌ గురించి తెలిసింది. ఆమె ఎదురింట్లోనే ఉండే అతను, అతని భార్య స్నేహతో చేతులు కలిపారు. వారి హోటల్‌లో చేయించి ఇప్పుడు మళ్లీ రోజుకు 150 మందికి టిఫిన్లు, భోజనాలు పంపగలుగుతున్నారు.
స్నేహ స్ఫూర్తితో ఎందరో ఈ వెబ్‌సైట్‌తో అనుసంధానమయ్యారు. ‘కొవిడ్‌ మీల్స్‌’ చెన్నై, మైసూరు, దిల్లీ నగరాలకూ విస్తరించింది. సైట్‌లో నగరం, ఏరియా, లొకాలిటీ.. బ్రేక్‌ఫాస్ట్‌, లంచ్‌, డిన్నర్‌ కాలమ్‌లు నింపితే చాలు ఆయా నగరాల్లోని వాలంటీర్లు భోజనాదులు అందిస్తారు. ‘15 దేశాల నుంచి ఎందరో ప్రవాస భారతీయులు వారి బంధువులకు సాయం చేయమని మెసేజ్‌లు పెడుతున్నారు. భోజనాలు పంపడం ప్రారంభించాక వారెంత సంతోషిస్తున్నారో చెప్పలేను. వారి మెసేజ్‌లు చూస్తే గుండె బరువెక్కిపోతుంది. అవన్నీ చూస్తోంటే ఇంకా సేవచేయాలనే ఉత్తేజం కలుగుతోంది. చీకటి కమ్ముకుంటోన్న ఇలాంటి సమయంలో ఆశాభావం నింపాలి. సానుకూల వాతావరణం కల్పించాలి. లేదంటే విషాదంలో కూరుకుపోతారు’ అంటుంది స్నేహ. ఈ మాటలు మరెందరినో ప్రభావితం చేసేలా ఉన్నాయి కదూ!

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి