మెడనొప్పికి లావెండర్‌ ఆయిల్‌
close
Updated : 10/06/2021 06:01 IST

మెడనొప్పికి లావెండర్‌ ఆయిల్‌

గంటల తరబడి కంప్యూటర్‌ ముందు పని చేయడం, సౌకర్యంగా లేని కుర్చీలో ఎక్కువసేపు కూర్చోవడం... వంటింట్లో పనిచేస్తూ ఫోన్‌ను మెడ, భుజాల మధ్య ఉంచుకుని అధిక సమయం మాట్లాడటం వంటివన్నీ మెడనొప్పికి కారణం. ఇది సుదీర్ఘంగా ఉంటే అనారోగ్యాలకు దారితీసే ప్రమాదం ఉందంటున్నారు వైద్యులు. కొన్ని చిట్కాలతో ఈ నొప్పి నుంచి ఉపశమనం పొందొచ్చంటున్నారు.
* బ్రేక్‌ తీసుకోండి...  ఎక్కువ  గంటలు కదలకుండా కూర్చో కూడదు. ప్రతి గంటకూ చిన్న బ్రేక్‌ తీసుకోవాలి. కూర్చునే విధానాన్ని కూడా మధ్య మధ్యలో మార్చుకుంటూ ఉండాలి. ఇవన్నీ మెడపై ఒత్తిడిని తగ్గిస్తాయి.
* లావెండర్‌ ఆయిల్‌తో... మెడనొప్పిగా అనిపిస్తే కాసేపు పనిని పక్కన పెట్టాలి. ల్యావెండర్‌ ఆయిల్‌తో నొప్పి ఉన్న చోట పదినిమిషాలు మృదువుగా మర్దన చేసుకోవాలి. రోజుకు రెండుసార్లు చేస్తే మంచిది. అలాగే... చిన్న అల్లం ముక్కను నూరి కప్పు నీటిలో మరిగించి చల్లార్చాలి. ఇందులో కొన్ని చుక్కలు తేనె వేసి తాగితే ఉపశమనంగా ఉంటుంది.  
* యాపిల్‌ సైడర్‌ వెనిగర్‌తో... రెండు గ్లాసుల గోరువెచ్చని నీటిలో రెండు చెంచాల యాపిల్‌ సైడర్‌ వెనిగర్‌ను కలపాలి. ఇందులో మెత్తని కాటన్‌ టవల్‌ను ముంచి మెడపై మృదువుగా ఒత్తుకోవాలి. పావుగంట చొప్పున రెండుపూటలా చేస్తే ఊరట లభిస్తుంది.
* బరువెత్తకుండా...మెడనొప్పి ఉన్నప్పుడు బరువు లెత్తకుండా జాగ్రత్తపడాలి. మెడకు సంబంధించి తేలికైన వ్యాయామాలు చేయడం, విశ్రాంతి ద్వారా ఉపశమనం పొందొచ్చు. అప్పటికీ తగ్గకపోతే వైద్యులను సంప్రదించాలి.

 

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి