వీటికి బెల్లాన్ని కలిపి తింటే...
close
Published : 10/06/2021 00:54 IST

వీటికి బెల్లాన్ని కలిపి తింటే...

శరీరానికి కావాల్సిన కాల్షియం, మెగ్నీషియం, ఐరన్‌, పొటాషియం, ఫాస్ఫరస్‌ వంటి ఖనిజాలు, యాంటీ ఆక్సిడెంట్లు బెల్లంలో పుష్కలంగా ఉంటాయి. దీన్ని కొన్ని పదార్థాలతో కలిపి తీసుకుంటే పిల్లలు, మహిళలకు ఎన్నో ఉపయోగాలున్నాయంటున్నారు నిపుణులు. అవేంటో చూద్దాం..
పప్పులతో... వేయించిన సెనగపప్పుకు బెల్లం పొడిని కలిపి ఉండలు చేసి రోజుకొకటి తీసుకుంటే చాలా మంచిది. ఈపప్పులోని విటమిన్లు, పీచు, ప్రొటీన్లు, బెల్లంలోని పోషకాలతో కలిసి కండరాలను బలోపేతం చేస్తాయి. తక్కువ కెలోరీలతో ఎక్కువ శక్తినీ ఇస్తాయి. వేరుసెనగపప్పును విడిగా కన్నా, కొంచెం బెల్లాన్ని కలిపి తినాలి. వేరుశనగలోని ఫోలిక్‌ యాసిడ్‌, ప్రొటీన్లు బెల్లంలోని ఐరన్‌, కాల్షియంతో కలిసి వ్యాధినిరోధక శక్తిని పెంచుతాయి. నెలసరి సమస్యలకు చెక్‌ పెడతాయి. శరీరంలోని వ్యర్థాలను బయటకు పంపడానికీ తోడ్పడతాయి.
*పసుపు కలిపి... బెల్లాన్ని కొంచెం వేడిచేసి, అందులో చిటికెడు పసుపు వేసి ఉండలుగా చుట్టాలి. వీటిని శుభ్రపరిచిన గాజుసీసాలో భద్రపరిచి, రోజూ ఉదయం అల్పాహారం తర్వాత ఒకటి తీసుకుంటే చాలు. ఇది వ్యాధినిరోధక శక్తిని పెంచడమే కాకుండా, వ్యర్థాలను వెలుపలకు పంపుతుంది. వాతావరణానికి తగ్గట్లుగా శరీరాన్ని ఆరోగ్యంగా ఉంచుతుంది. వీటిని పిల్లలతోనూ తినిపించొచ్చు.
* గోరువెచ్చగా... గ్లాసు నీటిని వేడిచేసి చిటికెడు బెల్లం పొడి వేసి పర గడుపున తీసుకుంటే జీవక్రియలు సక్రమంగా జరుగుతాయి. ఇలా రోజూ చేస్తే ఎసిడిటీని పూర్తిగా నియంత్రిస్తుంది. కడుపు ఉబ్బరం వంటి సమస్యలనూ దూరం చేస్తుంది. గోరువెచ్చని నెయ్యిలో సమానంగా బెల్లంపొడిని వేసి ఉండలుగా చుట్టి భద్రపరుచుకోవాలి. రోజూ ఒకటి చొప్పున తీసుకుంటే శరీరం నుంచి టాక్సిన్స్‌ను బయటికి గెంటేయడమే కాకుండా ఎసిడిటీనీ తగ్గిస్తుంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి