ఇతరులతో చెడుగా చెప్పొద్దు!
close
Published : 11/06/2021 02:00 IST

ఇతరులతో చెడుగా చెప్పొద్దు!

భార్యాభర్తల మధ్య తగాదాలు సహజమే కానీ...మూడో వ్యక్తికి మాట్లాడే అవకాశం కల్పించడం పొరబాటు. తర్వాత ఆ గొడవ సద్దుమణిగినా...ఒకరిపై మరొకరు చేసుకున్న ఫిర్యాదులు తర్వాత సమస్యలుగా మారుతుంటాయి. ఇద్దరి మధ్యా అగాథాన్ని సృష్టిస్తుంటాయి. మరి అలాకాకూడదంటే...

వాదనలు జరిగినప్పుడు మాటకు పదిమాటలు అనడం చేయొద్దు.  అలానే గొడవ జరిగిన ప్రతిసారీ భాగస్వామి లోపాల్ని ఎత్తి చూపుతూ స్నేహితులు, ఇతర కుటుంబీకులతో చెప్పే అలవాటుకు స్వస్తి పలకండి. వీలైతే ఇద్దరూ కలిసి కూర్చుని చర్చించుకోండి. లేదంటే కొంత సమయం సహనం పాటించండి.

నమ్మకం... కొన్ని జంటల్లో చాలా చిన్నచిన్న విషయాలకే గొడవలు మొదలవుతాయి. ఇది కేవలం ఇరువురి మధ్య ఒకరిపై మరొకరికి నమ్మకం లేకపోవడమే. దీంతో భర్త తనను దూరం పెడుతున్నాడని, లేదా తన భార్య తనకు విలువనివ్వడం లేదంటూ సమస్యలతో బాధపడిపోతుంటారు. దానికి మూడోవ్యక్తి చెప్పే సలహాలు కొన్నిసార్లు సమస్యను మరింతగా జటిలం చేస్తాయి. అలాకాకుండా మీరే మీ భాగస్వామి అభద్రతను దూరం చేస్తే ఈ పరిస్థితే ఎదురుకాదు.

మన్నించండి: భిన్ననేపథ్యాలు ఉన్న వ్యక్తుల అభిరుచులు, వ్యవహారం అన్నీ వేర్వేరుగా ఉంటాయి ప్రతి వాదనలోనూ నాదే పై చేయి కావాలనుకోవడం పొరబాటు. ఎదుటివారి అభిప్రాయాలు, ఆలోచనలు గౌరవించండి. ఇష్టాయిష్టాలకు సంబంధించిన విషయాల్లో మీ వాదనే సరైనదని ఇతరులతో చెప్పించడానికి ప్రయత్నించొద్దు. ఈ తీరు సమస్యను మరింతగా పెంచుతుంది. అలాకాకుండా వారి భావాలను మన్నించండి. అప్పుడు చిన్న చిన్న విషయాలకు కూడా పోట్లాడుకునే అలవాటు తగ్గుతుంది. మీ దాంపత్యం సంతోషంగా సాగుతుంది.

మరిన్ని

అతివకు ఆరోగ్యం.. ఆమె అభిమతం!

‘సాయం చేయాలంటే కావాల్సింది డబ్బు మాత్రమే కాదు... ఇతరుల కష్టాలకు స్పందించే గుణం’ అది లేకపోతే... మనుషులుగా మనకు గుర్తింపు ఎందుకు అంటారు శ్రీదేవి. ఆమె స్వస్థలం ఆంధ్రప్రదేశ్‌లోని పశ్చిమగోదావరి జిల్లా తణుకు. భర్త వృత్తి రీత్యా ఖమ్మంలో స్థిరపడింది వారి కుటుంబం. సేవా కార్యక్రమాల్లో పాలుపంచుకోవాలనే ఆలోచన తాను ఎదుర్కొన్న ఇబ్బందుల నుంచే వచ్చిందని చెబుతారామె. ‘చీకట్లో కూర్చుని వెలుతురు లేదని బాధపడితే ఎలా? పరిష్కారం కోసం ప్రయత్నించాలి కదా...! నేనూ అదే చేస్తున్నా. కొన్నేళ్ల కిందట తీవ్రమైన గైనిక్‌ సమస్యతో బాధపడ్డా. చికిత్స కోసం తిరగని ఆసుపత్రి లేదు. అప్పుడే విద్యార్థినులు, తోటి మహిళల్లో చాలామందికి నెలసరి విషయాలపై కనీస అవగాహన లేదనే విషయం తెలుసుకున్నా.

తరువాయి

AAAS: ఈ ముగ్గురు... అంతర్జాతీయ ప్రతిభావనులు

అమెరికన్‌ అకాడెమీ ఆఫ్‌ ఆర్ట్స్‌ అండ్‌ సైన్స్‌.. పేరు చెప్పగానే ఆల్బర్ట్‌ ఐన్‌స్టీన్‌, ఛార్లెస్‌ డార్విన్‌, విన్‌స్టన్‌ చర్చిల్‌, నెల్సన్‌ మండేలా, అకిరా కురొసావా మొదలైనవారి పేర్లు వినిపిస్తాయి. 240 ఏళ్ల చరిత్ర ఉన్న ఈ ప్రతిష్ఠాత్మక సంస్థలో వీరంతా సభ్యులు మరి! ఈ సంస్థ ఏటా ప్రపంచవ్యాప్తంగా కళలు, శాస్త్ర రంగాల్లో అత్యంత ప్రతిభ చూపినవారిని సభ్యులుగా ఎంపిక చేస్తుంది. ఈ ఏడాది ఈ జాబితాలో మనదేశ మూలాలున్న ఆరుగురు చోటు దక్కించుకున్నారు. వారిలో ముగ్గురు మహిళలే! వారే.. శారదా శ్రీనివాసన్‌,    కవితా రమణన్‌, గాయత్రీ చక్రవర్తి స్పివక్‌. ఈ అంతర్జాతీయ మేధావుల స్ఫూర్తి ప్రయాణం మనమూ చూద్దాం.

తరువాయి